விஜய்க்கு ஆதரவு அளித்த திருமாவளவன்! நிபந்தனையற்ற ஆதரவு என்றால் என்ன? தலை மேல் தொங்கும் கத்தி!
சென்னை: விஜய் முதலமைச்சராக விசிக தனது ஆதரவை தெரிவித்திருக்கிறது. முன்னதாக நேற்று இடதுசாரிகளும் ஆதரவு தெரிவித்திருந்தன. இடதுசாரிகள் மற்றும் விசிக நிபந்தனையற்ற ஆதரவு அளித்திருப்பதாக கூறியிருக்கிறது. என்னதான் இக்கட்சிகள் ஆதரவு தெரிவித்திருந்தாலும் நிபந்தனையற்ற ஆதரவு என்பது எப்போது இருந்தாலும் தலைக்கு மேல் தொங்கும் கத்திதான் என்று விஜய்யை பலரும் விமர்சித்து வருகின்றனர்.
அரசியலில் நிபந்தனையற்ற ஆதரவு என்பது ஒரு கட்சி அல்லது கூட்டணி, மற்றொரு கட்சி ஆட்சி அமைக்க எந்தவிதமான முன் நிபந்தனைகளும் அல்லது கைமாறு எதிர்பார்ப்புகளும் இன்றி வழங்கும் ஆதரவாகும்.
நிபந்தனையற்ற ஆதரவு அளிக்கும் கட்சி, அமைச்சரவையில் இடம், துணை முதலமைச்சர் பதவி அல்லது வாரியத் தலைவர் பதவிகள் போன்ற எதையும் கோரமாட்டார்கள். இவர்கள் வெளியிலிருந்து ஆதரவு தெரிவிப்பார்கள்.
பெரும்பாலும் இத்தகைய ஆதரவு அளிக்கும் கட்சிகள் அமைச்சரவையில் சேரமாட்டார்கள். சட்டசபையில் வாக்கெடுப்பு நடக்கும்போது மட்டும் அரசுக்கு ஆதரவாக வாக்களிப்பார்கள். அரசின் அன்றாட முடிவுகளில் இவர்கள் நேரடியாகத் தலையிட முடியாது.
மாநிலத்தில் மீண்டும் தேர்தல் வருவதைத் தவிர்க்கவும், ஆளுநர் ஆட்சியைத் தடுக்கவும் நிபந்தனையற்ற ஆதரவு வழங்கப்படும். அதேபோல தங்களுக்குப் பிடிக்காத மற்றொரு கட்சி ஆட்சிக்கு வருவதைத் தடுக்க, குறைந்தபட்ச உடன்பாடு உள்ள ஒரு கட்சிக்கு ஆதரவு அளிப்பார்கள்.
விஜய் விஷயத்தில் இடதுசாரிகள் ஆதரவு அளிக்க முக்கிய காரணம், மதவாத சக்திகளின் ஆதிக்கத்திற்கு எதிராக செயல்பட வேண்டும் என்று சொல்லி ஆதரவளித்திருக்கின்றனர்.
இந்த ஆதரவு நிபந்தனையற்றது என்று சொல்லப்பட்டாலும், ஆதரவு அளிக்கும் கட்சி எப்போது வேண்டுமானாலும் தனது ஆதரவை வாபஸ் பெறலாம். அப்படி நிகழ்ந்தால் ஆட்சி கவிழும் அபாயம் உண்டு. எனவேதான் நிபந்தனையற்ற ஆதரவு என்பது தலைமேல் தொங்கும் கத்தியாக இருக்கிறது.
இடதுசாரி கட்சிகள் (CPI & CPM) மற்றும் விசிக: விஜய்யின் தவெக-விற்கு "நிபந்தனையற்ற ஆதரவு" அளிப்பதாக கடிதம் கொடுத்துள்ளன. அதாவது, அவர்கள் பதவி எதையும் எதிர்பார்க்கவில்லை, ஆளுநர் ஆட்சியைத் தவிர்க்கவே இந்த முடிவு எனத் தெரிவித்துள்ளனர்.
காங்கிரஸ்: இவர்கள் நிபந்தனை அடிப்படையில் ஆதரவு கோருவதாகத் தகவல்கள் வருகின்றன. அதாவது, இவர்களுக்குத் அமைச்சரவையில் பங்கு வேண்டும் என்பது நிபந்தனை.
Click it and Unblock the Notifications
Sign in with Google