சிபிஎஸ்இ 12ம் வகுப்பு ரிசல்டில்.. வியக்க வைத்த தமிழ்நாடு, கேரளா, தெலங்கானா.. தென்னிந்தியாதான் கெத்து

சென்னை: மத்திய இடைநிலைக் கல்வி வாரியம் (CBSE) 12 ஆம் வகுப்பு தேர்வில் தென் மாநிலங்கள் மீண்டும் சிறப்பாக செயல்பட்டு உள்ளன.

மத்திய இடைநிலைக் கல்வி வாரியம் (CBSE) 12 ஆம் வகுப்பு முடிவுகளை இன்று அறிவித்துள்ளது. மாணவர்கள் தங்கள் முடிவுகளை CBSE அதிகாரப்பூர்வ வலைத்தளங்களில் பார்க்கலாம். cbseresults.nic.in, results.cbse.nic.in, மற்றும் cbse.gov.in பக்கங்களில் முடிவுகளை பார்க்கலாம்.

CBSE 12 ஆம் வகுப்பு வாரியத் தேர்வுகள் 2025 பிப்ரவரி 15 முதல் ஏப்ரல் 4, 2025 வரை நடைபெற்றன. ஆன்லைனில் தங்கள் மதிப்பெண்களை அணுக, மாணவர்களின் பதிவு எண், பிறந்த தேதி, பள்ளி எண் மற்றும் தேர்வு மைய எண் ஆகியவை தேவைப்படும்.

தேர்ச்சி முடிவுகள்

CBSE வாரிய 12 ஆம் வகுப்பு தேர்வு முடிவுகள் 2025 இல், ஒட்டுமொத்த தேர்ச்சி சதவீதத்தில் மாநில வாரிய தெலுங்கானா (99.73%), ஆந்திரப் பிரதேசம் (99.51%) கேரளா (99.32%), தமிழ்நாடு (99.12%), கர்நாடகா (99.01%) விட சிறப்பாக பெற்றுள்ளது . மத்திய இடைநிலைக் கல்வி வாரியம் (CBSE) 12 ஆம் வகுப்பு தேர்வு முடிவுகளில் மண்டல வாரியாக இந்த முறை திருவனந்தபுரம் இரண்டாம் இடம் பிடித்துள்ளது. கடந்த 3 வருடங்களாக முதலிடம் பிடித்த திருவனந்தபுரம் இரண்டாம் இடம் பிடித்துள்ளது. விஜயவாடா முதலிடம் பிடித்துள்ளது.

மண்டல வாரிய முடிவுகள்

விஜயவாடா - 99.60%

திருவனந்தபுரம் - 99.32%

சென்னை - 97.39%

பெங்களூரு - 95.95%

டெல்லி மேற்கு - 95.37%

டெல்லி கிழக்கு - 95.06%

சண்டிகர் - 91.61%

பஞ்ச்குலா - 91.17%

புனே - 90.93%

அஜ்மீர் - 90.40%

புவனேஸ்வர் - 83.64%

குவஹாத்தி - 83.62%

டேராடூன் - 83.45%

பாட்னா - 82.86%

போபால் - 82.46%

நொய்டா - 81.29%

பிரயாக்ராஜ் - 79.53%

யூனியன் பிரதேசங்களில், லட்சத்தீவுகள் 100% தேர்ச்சியுடன் முதலிடத்தில் உள்ளன. CBSE வாரிய 12 ஆம் வகுப்பு தேர்வு முடிவு 2025 இல், 1,11,544 மாணவர்கள் (6.59%) 90% க்கும் அதிகமான மதிப்பெண்களைப் பெற்றுள்ளனர், அதே நேரத்தில் 24,867 மாணவர்கள் (1.47%) 95% க்கும் அதிகமான மதிப்பெண்களைப் பெற்றுள்ளனர். அதிகாரப்பூர்வ CBSE முடிவு 2025 புள்ளிவிவரங்களின்படி, முதலிடம் பிடித்தவர்களின் பிரிவு மிகவும் போட்டித்தன்மையுடன் உள்ளது.

தொடர்ந்து கலக்கும் தென் மாநிலங்கள்

கடந்த 5 வருடங்களில் தென்மாநிலங்கள்தான் சிபிஎஸ்இ 12ம் வகுப்பு தேர்வில் தொடர்ந்து முதலிடம் பிடித்துள்ளன. அதற்கான புள்ளி விவரம் பின்வருமாறு,

கேரளா | 99.94% | 99.89% | 99.18% | 100% | 99.35% |
தெலங்கானா | 99.83% | 99.02% | 99.43% | 100% | 98.90% |
ஆந்திர பிரதேசம் | 100% | 99.57% | 99.62% | 100% | 99.85% |
கர்நாடகா | 99.35% | 95.61% | 97.71% | 100% | 98.22% |
தமிழ்நாடு | 98.75% | 95.28% | 96.89% | 100% | 99.23% |

2022-2025 வரையிலான அனைத்து ஆண்டுகளிலும் சென்னை முதல் மூன்று இடங்களில் நிலையான இருப்பைத் தக்க வைத்துக் கொண்டுள்ளது தென் பிராந்தியங்கள் தொடர்ந்து 95% க்கும் அதிகமான தேர்ச்சி சதவீதத்தை அடைந்துள்ளது. 2025 ஆம் ஆண்டில் மிகக் குறைந்த செயல்திறன் கொண்ட பிராந்தியம் ஆக 79.53% உடன் உத்தர பிரதேச மாநிலம் பிரயாக்ராஜ் உள்ளது.

நொய்டா (81.29%), போபால் (82.46%) மற்றும் பாட்னா (82.86%) போன்ற பிற பகுதிகள் தெற்கு மண்டலங்களை விட கணிசமாக பின்தங்கியுள்ளன டெல்லி மேற்கு 95.37% மற்றும் டெல்லி கிழக்கு 95.06% ஒப்பீட்டளவில் சிறப்பாக செயல்பட்டுள்ளன.

சிபிஎஸ்இ தேர்வுக் கட்டுப்பாட்டாளர் டாக்டர் சன்யம் பரத்வாஜ், "தென் பிராந்தியங்களின் நிலையான ரிசல்ட் முடிவுகள் அவர்களின் வலுவான கல்வி உள்கட்டமைப்பு மற்றும் கற்பித்தல் ஆகியவை காரணமாக சாத்தியமாகி உள்ளது.

தென்னிந்தியாவில் உள்ள பல மாணவர்கள் நான்காம் தலைமுறை கற்பவர்கள். படித்த குடும்பங்கள். முதல் தலைமுறை கற்பவர்கள் அல்ல. தென்னிந்திய மாநிலங்கள் பல வட மாநிலங்களுடன் ஒப்பிடும்போது வரலாற்று ரீதியாக அதிக கல்வியறிவு விகிதங்களைப் பராமரித்து வருகின்றன. கல்வி சாதனைக்கான வலுவான அடித்தளத்தை தென்னிந்திய மாநிலங்கள் உருவாக்குகிறது.

பல தென்னிந்திய மாணவர்கள் ஒரே நேரத்தில் JEE மற்றும் NEET போன்ற போட்டித் தேர்வுகளுக்கு வாரியத் தேர்வுகளுடன் தயாராகிறார்கள். இந்த விரிவான தயாரிப்பு CBSE தேர்வுகளில் அவர்களின் செயல்திறனை மேம்படுத்துகிறது, என்று குறிப்பிட்டு உள்ளார்.

English summary

CBSE Results 2025 Out : How Southern states dominates Northern states again