கமலே ஒரு இந்துதீவிரவாதிதான்.. இயக்குநர் கவுதமன் பரபரப்பு பேச்சு

சென்னை: கமலே ஒரு இந்து தீவிரவாதிதான் என இயக்குநர் கவுதமன் பரபரப்பாக பேசியுள்ளார்.

அரவக்குறிச்சியில் தேர்தல் பிரசாரத்தில் ஈடுபட்டிருந்த கமல்ஹாசன், சுதந்திர இந்தியாவின் முதல் தீவிரவாதி ஒரு இந்து என தெரிவித்திருந்தார். இதையடுத்து கமல்ஹாசன் இந்துக்களுக்கு எதிராக பேசியதாக சர்ச்சை எழுந்தது.

இந்த நிலையில் இதற்கு ஆதரவும் எதிர்ப்பும் எழுந்துள்ளது. இவரது கருத்துக்கு பிரதமர் மோடி பதிலளிக்கையில் எந்த இந்துவும் தீவிரவாதியாக இருக்க முடியாது. ஒரு தீவிரவாதி இந்துவாக இருக்க முடியாது என கருத்து தெரிவித்தார் மோடி.

இதுகுறித்து இயக்குநர் கவுதமன் செய்தியாளர்களை சந்தித்தார். அப்போது அவர் கூறுகையில் கமல்ஹாசனே ஒரு இந்து தீவிரவாதிதான். கமலை முக்கிய தலைவராக்கவே அவரது கருத்துக்கு மோடி பதிலளித்தார்.

விவசாயிகளின் போராட்டத்தை மறைக்கவே கோட்சே குறித்து கருத்து கூறப்பட்டுள்ளது. கோட்சே இந்து தீவிரவாதி என கமல் கூறியது பிக்பாஸ் போல் ஒரு நாடகம் ஆகும் என்றார் கவுதமன்.

English summary

Director Gowthaman says that Kamal Haasan is also Hindu terror. He commented on Godse only because of to hide farmer's protest.