அனுபவம் இல்லாதவரிடம் நாட்டை கொடுக்காதீங்க.. பெரம்பூருக்கே போய் விஜய்யை அட்டாக் செய்த திவ்யா சத்யராஜ்
சென்னை: தமிழக வெற்றிக் கழக தலைவர் விஜய் போட்டியிடும் பெரம்பூர் தொகுதியில் பிரசாரம் செய்த திவ்யா சத்யராஜ், "அனுபவமே இல்லாதவரிடம் நாட்டை கொடுக்காதீங்க என்று விஜய்யை விமர்சித்து" பேசினார். மேலும் உங்களுக்கு ஒரு பிரச்சினை என்றால் என்னால் உடனே உங்க வீட்டுக்கு வர முடியும். ஆனால் விஜய் அப்படி வரமாட்டார் என்றும் கூறியும் வாக்கு சேகரித்தார்.
தேர்தல் தேதி நெருங்க நெருங்க அரசியல் தலைவர்கள் நாலாபுறமும் சுற்று சுழன்று வாக்கு சேகரிப்பில் ஈடுபட்டு வருகிறார்கள். அந்த வகையில் தான் விஜய் போட்டியிடுவதால் ஸ்டார் அந்தஸ்து பெற்ற பெரம்பூர் தொகுதியில் திமுக வேட்பாளர் ஆர்.டி. சேகரை ஆதரித்து பிரசாரம் செய்த திவ்யா சத்யராஜ் இவ்வாறு பேசினார்.
பெரம்பூரில் திவ்யா சத்யராஜ் வாக்கு சேகரிப்பு
தமிழக சட்டசபை தேர்தலுக்கு இன்னும் 8 நாட்கள் மட்டுமே உள்ளது. தேர்தல் தேதி நெருங்க நெருங்க அரசியல் களம் அனல் பறக்கிறது. கோடைக்கால தகிக்கும் அனலை விட அரசியல் தலைவர்களின் பிரசார அனல் சூடு பறக்கிறது. திமுக, அதிமுக, தவெக, நாம் தமிழர் என கட்சி தலைவர்கள், வேட்பாளர்கள் தீவிர வாக்கு சேகரிப்பில் ஈடுபட்டு வருகிறார்கள்.
ஒவ்வொரு தொகுதியிலும் வேட்பாளர்கள் தங்களுக்கு உரிய பாணியில் வாக்கு சேகரிப்பில் ஈடுபட்டு வருகிறார்கள். மக்களுக்கு பரிட்சையமான நடிகர், நடிகைகளும் வேட்பாளர்களை ஆதரித்து எதிர்க்கட்சியினரை திட்டி தீர்த்து வருகிறார்கள். நடிகர் பொன்னம்பலம், கஞ்சா கருப்பு, ராமராஜன் என பல நடிகர்களும் பிரசாரத்தில் இறங்கியுள்ளனர். அந்த வகையில் தான் ஸ்டார் அந்தஸ்து பெற்ற தொகுதிகளில் ஒன்றான பெரம்பூரில் நடிகர் சத்யராஜின் மகளும் திமுக நிர்வாகியுமான திவ்யா சத்யராஜ் தீவிர வாக்கு சேகரிப்பில் ஈடுபட்டார்.
விஜய்யை வர சொல்லுங்கள் பார்ப்போம்
அப்போது அவர் விஜய்யை கடுமையாக விமர்சித்து பேசினார். திவ்யா சத்யராஜ் கூறுகையில், அனுபவம் இல்லாத அரசியல்வாதியிடம் நாட்டை ஒப்படைப்பது நாட்டுக்கு ஆபத்தானது. எனக்கு யாருமே வேண்டாம்.. நான் பாட்டு வந்து உங்க வீட்டில் ஒரு கப் காஃபி சாப்பிட்டு விட்டு போவேன். ஆனால் விஜய் சார் அப்படியா.. அவரை வர சொல்லுங்கள் பார்க்கலாம்.
சத்யராஜ் பொண்ணு.. ரொம்ப ஆடம்பரமாக வளர்க்கப்பட்டு இருக்கலாம் என்று நீங்க நினைக்கலாம். ஆனால் நான் அப்படி இல்லை.. பென்ஸ் காருக்கும் டைமண்ட் நகைக்கும் அடிமையாக வளர்க்கப்படவில்லை. உங்களில் ஒருத்தி.. உங்களுக்கு வேலை செய்வதற்காக வந்திருக்கிறேன்.. என்னைக்குமே நான் உங்களோடு இருப்பேன்.. என்று தெருத் தெருவாக நோட்டீஸ் வழங்கி தீவிர வாக்கு சேகரிப்பில் ஈடுபட்டார்.
பெரம்பூர் கிழக்கு தொகுதி
பெரம்பூர் கிழக்கு தொகுதியில் விஜய் போட்டியிடுகிறார் என்பதால் அந்த தொகுதி ஸ்டார் அந்தஸ்து பெற்ற தொகுதியாக மாறியிருக்கிறது. ஏற்கனவே திமுக அங்கு சிட்டிங்க் எம்.எல்.ஏவான ஆர்.டி.சேகரே இந்த முறையும் திமுக சார்பில் களம் இறக்கப்பட்டுள்ளார். கடந்த முறையும் அதிமுக வேட்பாளரை விட அதிக வாக்குகள் வித்தியாசத்தில் வீழ்த்தி ஆர்.டி.சேகர் வெற்றி பெற்றிருந்தது குறிப்பிடத்தக்கது.
அதே சமயம் இந்த முறை அதிமுக பெரம்பூர் தொகுதியில் போட்டியிடவில்லை. கூட்டணியில் இடம்பெற்றுள்ள பாமகவுக்கு ஒதுக்கியுள்ளது. இதில் பாமகவின் திலகபாமா களம் காண்கிறார். களம் இப்படி இருக்கையில் விஜய்யை வீழ்த்த திமுக வியூகம் வகுத்து வருகிறது. இதன்படி தான் ஏற்கனவே விஜய்யை சரமாரியாக விமர்சித்து வந்த திவ்யா சத்யராஜை பெரம்பூர் தொகுதியில் பிரசாரம் செய்ய வைத்து திமுக வியூகம் வகுத்து இருக்கிறது.
Click it and Unblock the Notifications
Sign in with Google