திமுக செய்த சாதனை.. உண்மையை ஒப்புக்கொண்ட TVK.. அப்போ பெண்களுக்கான 'இந்த' திட்டம் வருமா? வரதா?

தமிழ்நாடு அரசின் நிதி நிலை குறித்த வெள்ளை அறிக்கையை நிதியமைச்சர் மரிய வில்சன் வெளியிட்டதைத் தொடர்ந்து, திமுக ஐடி விங் ஒரு முக்கியமான பதிவை விளக்கமாக கொடுத்துள்ளது.

தமிழ்நாடு அரசுப் பேருந்துகளின் இழப்பு குறைந்துள்ளதாகவும், இது திமுக ஆட்சியின் நிர்வாகச் சீர்திருத்தங்களின் விளைவு என்றும் அந்த ட்வீடில் விளக்கம் கொடுத்துள்ளது. இது தற்போது அரசியல் வட்டாரங்களில் பெரும் கவனத்தை ஈர்த்துள்ளது.

போக்குவரத்து இழப்பு குறைந்ததா?

திமுக ஆட்சிக்கு வந்தபோது, அதாவது 2021ல் ஆதிமுக ஆட்சி காலத்தின் முடிவில் அரசுப் பேருந்துகள் ஒரு கிலோமீட்டர் இயக்குவதற்கு 59.15 நஷ்டம் ஏற்பட்டதாக அப்போதை நிதியமைச்சர் பிடிஆர் தனது வெள்ளை அறிக்கையில் தெரிவித்திருந்தார், தற்போது அந்த நஷ்டம் 53 ஆக குறைந்துள்ளதாகவும் தவெக அரசின் வெள்ளை அறிக்கையில் தெரிவிக்கப்பட்டு உள்ளது என திமுக ஐடி விங் ட்வீட்டில் தெரிவித்துள்ளது.

அதாவது, திமுக ஆட்சி காலக்தில் ஒரு கிலோமீட்டருக்கு 6.15 நஷ்டம் குறைந்துள்ளதாகவும், இது திமுக அரசின் நிர்வாகச் சீர்திருத்தங்களால் ஏற்பட்ட சாதனை என்றும் விளக்கப்பட்டு உள்ளது.

போக்குவரத்து துறையின் இழப்பு குறைந்துள்ளதற்கு திமுக அரசின் நிர்வாகச் சீர்திருத்தங்களே காரணம் என்று திமுக ஐடி விங் உரிமை கோரியுள்ளது மட்டுமல்லாமல் "உண்மைகளை என்றும் மறைக்க முடியாது" என்றும் அந்த ட்வீட்டில் தெரிவித்துள்ளது.

பெண்களுக்கு இலவச பேருந்து திட்டம் என்ன ஆகும்?

இதேபோல் நேற்று வெளியிட்ட வெள்ளை அறிக்கையில் தமிழ்நாடு அரசு போக்குவரத்து கழகம் 43,865 ரூபாய் கடனில் உள்ளதாக தெரிவிக்கப்பட்டு உள்ளது. இந்த நிலையில், முதல்வர் விஜய் தேர்தல் வாக்குறுதியில் அறிவித்த பெண்களுக்கு அனைத்து பேருந்து சேவைகளும் இலவசம் என்ற வெற்றி பயணம் திட்டம் என்னாகும் என்பது முக்கியமான கேள்வியாக உள்ளது.

இந்தத் திட்டத்தை செயல்படுத்துவதற்கு விஜய் தலைமையிலான அரசு கூடுதல் கடன் வாங்க வேண்டிய கட்டாயம் ஏற்படுமா அல்லது அந்தத் திட்டம் கைவிடப்படுமா என்ற கேள்வி மக்கள் மத்தியில் எழுந்துள்ளது.

நிதியமைச்சர் மரிய வில்சன், வருவாய் இல்லாமல் நலத்திட்டங்களைச் செயல்படுத்துவது கடன் சுமையை அதிகரிக்கும் என்று வெள்ளை அறிக்கை வெளியிடும் போது கூறியிருந்த நிலையில், இந்தக் கேள்வி எழுந்துள்ளது.

கடன் சுமை

பெண்களுக்கு இலவச பேருந்து திட்டத்தைச் செயல்படுத்துவதற்கு கூடுதல் கடன் வாங்கினால், போக்குவரத்து துறை மேலும் கடனில் சிக்கித் தவிக்கும் அபாயம் உள்ளதா என்ற கேள்வியையும் மக்கள் எழுப்பியுள்ளனர். இல்லையெனில் போக்குவரத்து துறையில் கூடுதலாக வருமானம் ஈட்டும் வழியை தவெக அரசு எப்போது, எப்படி கண்டுப்படிக்கப்படும்.

ஏற்கனவே விளம்பரங்கள் மூலம் வருவாய் ஈட்ட முடியும் என பேச்சு அடிப்பட்டு வரும் வேளையில், முந்தைய ஆட்சி காலத்திலேயே இந்த திட்டம் இருக்கும் வேளையில் கூடுதலாக எப்படி விளம்பர வருவாய் ஈட்டுவது என்பது அடுத்த முக்கிய கேள்வியாக உள்ளது.

திமுக, தங்கள் ஆட்சியில் போக்குவரத்து இழப்பு குறைந்ததாக உரிமை கோரும் அதே வேளையில், மறுபுறம் தற்போதைய அரசின் நலத்திட்ட வாக்குறுதிகள் குறித்து கேள்வி எழுந்துள்ளது.

English summary

DMK IT Wing claimed that Tamil Nadu’s government bus loss per kilometer has reduced from Rs.59.15 to Rs.53 due to administrative reforms during their tenure. The tweet has raised questions on whether Chief Minister Vijay’s free bus scheme for women will be implemented or dropped amid rising transport debt.