ஸ்டேட்டுக்கே ஒப்பி யூனிட்டி.. படேல் பிறந்த நாளில்.. தமிழிலிருந்து பிறந்த புதிய மொழி.. வாவ்!!!!

சென்னை: உலகிலேயே சிறந்த மொழி தமிழ் என்று சொல்வார்கள். அது உண்மைதான்.. இல்லாவிட்டால் புதிது புதிதாக அதை வைத்து பல மொழிகளை உருவாக்குவோமோ.. இதோ இரும்பு மனிதர் சர்தார் வல்லபாய் படேல் பிறந்த நாளிலும் கூட தமிழிலிருந்து புதிதாக ஒரு மொழி பிறந்துள்ளது!!!!!!.

இந்த பாஷைக்கு என்ன பெயர் என்று தெரியவில்லை. ஆனால் படு ஜாலியாக இருக்கிறது இதன் உச்சரிப்பு. இப்படித்தான் சோஷியல் மீடியாவில் வளைத்து வளைத்து விமர்சித்து வருகின்றனர்.

ஸ்டேட்டுக்கே ஒப்பி யூனிட்டி.. தலைகீழாக படித்துப் பார்த்தாலும் இதன் அர்த்தம் தெரியாது, புரியாது. கொஞ்சம் வேகமாக படித்துப் பார்த்தால் கெட்ட வார்த்தை போலவும் வருகிறது. அந்த லட்சணத்தில் இருக்கிறது நமது சொந்த நாட்டினரின் மொழிபெயர்ப்பு அறிவு. சொந்த நாட்டு மொழியையே ஒழுங்காக எழுத முடியவில்லையே என்று அனைவரும் பகடி செய்யும் நிலைக்குப் போய் விட்டார்கள் குஜராத் சுற்றுலாத்துறையினர்.

தமிழுக்கு புது வார்த்தைகளை அளித்துள்ள, மோடி ஜிக்கு நாம் வாழ்த்துக்களை அளிக்காமல், விமர்சிப்பது சரியா ?#ஸ்டேட்டுக்கேஒப்பியூனிட்டி. pic.twitter.com/Vr7BY5USSs

— எதிர் கட்சி தலைவர். (@CTyyxXyFgBMEKAU) October 31, 2018

உலகின் முதுபெரும் மொழி

உலகின் முதுபெரும் மொழி. மொழிகளின் மூலம் என எத்தனை பெருமைகள் இருந்தாலும், குஜராத்தில் தமிழ் சந்தித்துள்ள அவமரியாதை வரலாறு காணாதது, வரலாற்றில் மன்னிக்க முடியாதது.

#ஸ்டேட்டுக்கேஒப்பியூனிட்டி டேமில் வால்க 💪💪 #SardarVallabhbhaiPatel pic.twitter.com/3hwCDK6cEW

— Wanderlust (@whimsytulip) October 31, 2018

இது தேவையா

உலகிலேயே மிகப் பெரிய சிலை என்ற பெருமையுடன் கூடிய சர்தார் வல்லபாய் படேல் சிலையின் பெயர்ப் பலகையில்தான் இப்படி ஒரு அசிங்கத்தை செய்து வைத்துள்ளனர். கொஞ்சம் கூட ஞானமோ, வெட்கமோ இல்லாமல் இதை டிஸ்பிளேவுக்கு வைத்திருப்பது அதிர வைப்பதாக உள்ளது. மற்ற மொழியையெல்லாம் சரியாக போட்டு விட்ட இவர்களால் சொந்த நாட்டு மொழி, தமிழை சரியாக போட முடியாமல் போயிருப்பது அவர்களது அலட்சியத்தின் உச்சத்தைத்தான் காட்டுகிறது.

ஒரு தமிழர் கூடவா இல்லை

பெயர்களை சரி பார்க்க ஒரு தமிழர் கூடவா இவர்களுக்குக் கிடைக்காமல் போய் விட்டார் என்று வசை பாடுகிறார்கள். இதற்கு வக்காலத்து வாங்க மட்டும் சிலர் ஓடி வந்து விடுகிறார்கள். தெரியாமல் செய்த பிழை.. இதை பெரிதாக்கலாமா என்று கேட்டு. இதுவா பிழை.. இது தெரிந்தே செய்த தவறு போலத்தான் தெரிகிறது. அத்தனை அலட்சியம் ஏன் என்பதுதான் கேள்வி.

'ஜூனூன்' தமிழ் கூட இந்தளவுக்கு கொலை பண்ணலையேடா... #ஸ்டேட்டுக்கேஒப்பியூனிட்டி

— மொடக்குறிச்சி கிருஷ் (@krishnakumarmu) October 31, 2018

தமிழ் நல்லாவே இருக்கும்

இவர்கள் என்னதான் கோமாளித்தனம் செய்தாலும் தமிழும் சாகாது, தமிழர்களும் அழிய மாட்டார்கள் என்று சோசியல் மீடியாவில் இந்த மொழிக் குழப்பத்திற்குக் காரணமானவர்களை போட்டு தாக்கி வருகிறார்கள் மக்கள்.

English summary

Gujarat Tourism department has come under severe criticism for wrong Tamil translation in the name board of Patel statue.