சென்னையில் ஒரு மணி நேரமாக வெளுக்கும் மழை.. இரவு முழுக்க செம மழை பெய்யும்!

சென்னை: சென்னையில் கடந்த ஒரு மணி நேரமாக பல்வேறு இடங்களில் மழை பெய்து வருகிறது.

தமிழகத்தில் தற்போது தென்மேற்கு பருவமழை தீவிரம் எடுத்துள்ளது. தமிழகத்தில் கடந்த ஒரு மணி நேரமாக கனமழை பெய்து வருகிறது. முக்கியமாக கடலோர மாவட்டங்கள், டெல்டா மாவட்டங்களில் கனமழை பெய்து வருகிறது.

இந்த நிலையில் தற்போது சென்னையில் மழை பெய்து வருகிறது. சென்னையில் தற்போது கிண்டி, ஈக்காட்டுத்தாங்கல், சோழவரம், தாம்பரம், குரோம்பேட்டை, வேளச்சேரி, எழும்பூர், அண்ணா சாலை, வடபழனி, சைதாப்பேட்டை, தி நகர், கோயம்பேடு, அடையாறு, அண்ணா நகர் ஆகிய இடங்களில் மழை பெய்து வருகிறது.

தென் சென்னையில் பல்வேறு இடங்களில் மழை பெய்து வருகிறது. இரவு 10 மணிக்கு அங்கு மழை தொடங்கியது.சென்னையில் இன்று இரவு முழுக்க கனமழை பெய்யும் என்று வானிலை மையம் தெரிவித்து இருக்கிறது.

மேலும் தமிழகத்தின் பல்வேறு பகுதிகளில் கனமழை பெய்து வருகிறது. டெல்டா மாவட்டங்களில் கனமழை பெய்து வருகிறது. தஞ்சாவூர், திருவையாறு, திருக்காட்டுப்பள்ளி, திருவாரூர், ஒரத்தநாடு, மன்னார்குடி, மயிலாடுதுறை உள்ளிட்ட பகுதிகளில் கனமழை பெய்து வருகிறது.

English summary

Heavy rain will pour in Chennai today night - report ..