நிறையப் படிக்கணும் அங்கிள், ஆர்மியில் சேரணும்.. விஸ்வநாத்துக்கு உதவுங்களேன்!

சென்னை: சிரித்த முகம்.. மனசு நிறைய ஆசைகள்.. தந்தையை இழந்த வருத்தம் மனதுக்குள்.. ஆனாலும் வைராக்கியம் மட்டும் வலுவாகவே இருக்கிறது இந்த பையனிடம்.

இவன் விஸ்வநாத் சுந்தர். 10 வது வகுப்பை வெற்றிகரமாக முடித்து விட்டு 11க்குள் கால் எடுத்து வைத்துள்ள, கலாம் கனவு கண்ட வருங்கால இளைஞர்களில் ஒருவன்.

" நிறையப் படிக்கணும் அங்கிள். வரைமுறை எல்லாம் இல்லை. நிறையப் படிக்கணும். ராணுவத்தில் சேரணும்.. அதுதான் ஆம்பிஷன். ஹெல்ப் கிடைச்சா போதும். நல்லா படிப்பேன்" கனவுகளை குரலில் தேக்கியபடி புன்னகை மாறாத முகத்துடன் கூறுகிறான்.

நிரந்தர வேலை கிடைக்காமல் சிரமப்படும் தாயார், அண்ணன் என சின்னக் குடும்பத்தைச் சேர்ந்தவன் விஸ்வநாத். ஒவ்வொரு வருடத்தையும் பெரும் சிரமம் கொண்டே தாண்டி வந்துள்ள விஸ்வநாத் இப்போது பிளஸ் ஒன் வந்துள்ளான். சென்னை சிட்லபாக்கத்தில் உள்ள விவேகானந்தா வித்யாலாயா பள்ளியில் காமர்ஸ் குரூப் எடுத்துள்ள விஸ்வநாத் தனது படிப்பும், கனவும் தடையின்றி தொடர நல்ல உள்ளங்களின் ஆதரவை வேண்டி நம்மிடம் வந்துள்ளான்.

விஸ்வநாத்தின் இப்போதைய தேவை கல்விக் கட்டணமான ரூ. 25,000. சின்னத் தொகைதான்.. ஆனால் அது கிடைப்பதில்தான் மிகப் பெரிய போராட்டம் விஸ்வநாத்திற்கு. தாராளமாக உதவுங்கள். விஸ்வநாத்துக்கு நீங்கள் செய்யப் போவது சிறு உதவிதான். ஆனால் அந்த சிறுவனுக்கு இது மிகப் பெரிய படிக்கல்லாக அமையும்.

உதவ விரும்புவோர் தொடர்பு கொள்ள வேண்டிய எண்: 0-8754275115

வங்கிக் கணக்கு விவரம்:

Name: A.Thilagavathy
Bank: Vijaya Bank
Branch: Saidapet, Chennai
AC no: 301201141001028
IFSC code: VIJB003012

English summary

This Chennai boy needs help to continue his studies after passed out SSLC.