திமுக அரசின் நிர்வாக தோல்வியும், தவெகவின் தடுமாற்றமும்.. தமிழகத்திற்கு தேவை சரியான ஆட்சி!

By Oneindia Staff

Updated: Thursday, October 23, 2025, 17:16 [IST]

Subscribe to Oneindia Tamil

சென்னை: கரூர் பகுதியில் நடந்த துயரமான கூட்ட நெரிசல் (stampede) சம்பவம், தமிழ்நாட்டில் நிலவும் தீவிர நிர்வாகத் தவறுகளையும் அரசியல் பொறுப்பற்ற தன்மையையும் பட்டவர்த்தனமாக வெளிப்படுத்தியுள்ளது. பாதிக்கப்பட்ட குடும்பங்கள் பொறுப்பைக் கோரி நிற்கும் வேளையில், ஆளும் கட்சியான திமுக மற்றும் தவெக (TVK) மீதான மக்களின் நம்பிக்கை குறைந்து கொண்டே வருகிறது.

இடம் மறுப்பு மற்றும் அலட்சியம்

சரியான இடத்தை வழங்குவதற்கு திமுக அரசு மறுத்தது மற்றும் போதுமான அளவு காவல்துறையினரை நியமிக்காத அதன் அலட்சியமான அணுகுமுறைதான் இந்த பேரழிவுக்கு முக்கியக் காரணம் என்பது எதிர்க்கட்சிகள் குற்றச்சாட்டு. இது திமுகவிடம் தொலைநோக்கு பார்வை கொண்ட நிர்வாகம் இல்லை என்பதை மீண்டும் நிரூபிக்கிறது.

திமுக ஆட்சியில் தொடர் சோகங்கள்

கரூர் சம்பவம் ஒரு தனிப்பட்ட நிகழ்வு அல்ல. இதற்கு முன் நடந்த கள்ளக்குறிச்சி பள்ளி வன்முறை, சென்னை விமானக் கண்காட்சியில் ஏற்பட்ட கூட்ட நெரிசல், ஏ.ஆர். ரஹ்மானின் இசை நிகழ்ச்சியில் ஏற்பட்ட குழப்பம் போன்ற சம்பவங்கள் அனைத்தும் நிர்வாகத்தில் ஆழமாக வேரூன்றிய தவறுகளின் தொடர் வடிவத்தை சுட்டிக்காட்டுகின்றன. ஒவ்வொரு தோல்வியிலிருந்தும் பாடம் கற்றுக்கொள்வதற்குப் பதிலாக, திமுக தனது தவறுகளை மீண்டும் மீண்டும் செய்வதில் பிடிவாதமாக இருப்பதைப் போலவும், மக்களின் உயிர்களை திரும்பத் திரும்ப ஆபத்தில் ஆழ்த்துவதைப் போலவும் தெரிகிறது.

அரசியல் கருவி

மிகவும் அதிர்ச்சியூட்டும் வகையில், சட்டம்-ஒழுங்கு தேவைப்பட்ட நேரத்தில் கரூர் மாவட்ட கண்காணிப்பாளர் (SP) சம்பவ இடத்தில் இல்லை. சம்பவத்திற்குப் பிறகு, கூட்டத்தின் மீது லத்தி சார்ஜ் நடந்ததாகவும், அதைக் கண் சாட்சியமாக வீடியோ எடுத்தவர்கள் மீது காவல்துறை அவசரமாக எஃப்ஐஆர் பதிவு செய்ததாகவும் பிரதான எதிர்க்கட்சிகள் குற்றச்சாட்டுகளை சுமத்தின. இது ஒரு பக்கம் என்றால் தங்கள் கருத்துக்களை வெளிப்படுத்தும் குடிமக்களை கைது செய்வது போன்றவற்றுக்கு போலீசாரை திமுக அரசு பயன்படுத்துவதாகவும் விமர்சனங்கள் வருகின்றன. காவல்துறையை அரசியல் ஆதாயத்திற்காக திமுக பயன்படுத்துகிறது என்ற தோற்றத்தை இது உருவாக்குவதாக கூறுகிறார்கள் அரசியல் பார்வையாளர்கள்.

விசாரணை

சம்பவத்திற்குப் பிந்தைய நிகழ்வுகள் ஒரு கச்சிதமான மூடிமறைப்புக்கான நடவடிக்கைகளாக இருந்ததாக பல இடங்களில் விமர்சன குரல்கள் எழ ஆரம்பித்தன. வேகமாக நடந்த இறுதிச் சடங்குகள், பிரேத பரிசோதனைகள், என்று கூறப்படும் குற்றச்சாட்டுகள் மற்றும் சம்பவ இடத்தில் சந்தேகத்திற்குரிய வகையில் மின்வெட்டு ஏற்பட்டதாக வெளியான குற்றச்சாட்டுகள், திமுக அவசரமாக அறிவித்த ஒரு நபர் ஆணைய அறிவிப்பு, சிபிஐ விசாரணையைத் தடுக்கும் ஒரு தந்திரமாகவே தோன்றியதாக கூறுகிறார்கள் எதிர்க்கட்சியினர்.

பழிபோடுவது, நீதியல்ல?

திமுக அமைச்சர்களின் ஒருங்கிணைந்த, உடனடி மருத்துவமனை வருகைகளும், தவெக-வின் மீது உடனடியாகப் பழி போடும் விளையாட்டும் ஒத்திகை பார்க்கப்பட்டவை போல் இருந்தன என்பது விஜய் தொண்டர்கள் குமுறல். வெளிப்படையாக, தலைமையின் முன்னுரிமை பொறுப்பைத் தட்டிக் கழிப்பதுதான் நோக்கமாக இருந்ததாகவும், மக்களுக்கு அனுதாபத்தை வெளிப்படுத்துவதோ அல்லது பிரச்சனைக்கு தீர்வு காண்பதோ அல்ல என்றும் கூறுகிறார்கள் தவெகவினர்.

தவெக அனுபவமின்மை

தவெக-வின் பதில் பலவீனமாகவும் குழப்பமாகவும் இருந்தது-தலைவர்கள் நீதி கோருவதற்குப் பதிலாக, பழிபோடும் கோஷ்டியில் சேர்ந்தனர். கட்சியின் தீவிரமின்மையும், ஒழுங்கமைக்கப்பட்ட நெருக்கடி மேலாண்மை இன்மையும் பொதுமக்களின் கவலையை உறுதிப்படுத்துகிறது, ஒரு அவசர நிலை ஏற்பட்டால் தவெகவை நம்ப முடியாது என்பதை இது காட்டியது.

நம்பகமான கூட்டணி

திமுகவின் பல ஆண்டு கால சட்டம்-ஒழுங்கு தோல்விகள் மற்றும் டிவிகே-வின் குழப்பமான செயல்பாடுகளுக்குப் பிறகு, என்.டி.ஏ (பாஜக + அதிமுக) ஸ்திரத்தன்மையின் கலங்கரை விளக்கமாக உயர்ந்து நிற்கிறது. என்.டி.ஏ-வின் முந்தைய ஆட்சியானது தமிழ்நாட்டிற்கு வலிமையான சட்டம்-ஒழுங்கை வழங்கியுள்ளது, மேலும் பிற மாநிலங்களில் அதன் செயல்பாடு ஒழுக்கமான நிர்வாகத்தையும் உண்மையான பொறுப்புணர்வையும் தந்துள்ளது. மக்களுக்கு நாடகங்களையும் மூடிமறைப்புகளையும் விட மேலானது தேவை-அவர்களுக்கு பாதுகாப்பு மற்றும் முன்னேற்றத்தில் கவனம் செலுத்தும் கொள்கை ரீதியான தலைமை தேவை.

கரூர் கூட்ட நெரிசல் என்பது திமுக மற்றும் டிவிகே-வின் கீழ் உள்ள ஒரு பெரிய சீர்கேட்டின் சோகமான அறிகுறியாகும். பொது பாதுகாப்பு திரும்பத் திரும்ப புறக்கணிக்கப்படுவதாலும், அரசியல் விளையாட்டுகள் உண்மையான நிர்வாகத்திற்கு மாற்றாக இருப்பதாலும், தமிழ்நாட்டை மீண்டும் ஸ்திரத்தன்மைக்கு வழிநடத்த அதிமுக-பாஜக அடங்கிய என்.டி.ஏ-வை மட்டுமே நம்ப முடியும் என்ற மனநிலை தமிழகத்தின் பல இடங்களில் இருப்பதை பார்க்க முடிகிறது.