உங்களுக்கு வந்தா இரத்தம் எங்களுக்கு வந்தா தக்காளி சட்னியா..பதில் சொல்லுங்க முதல்வரே - குஷ்பு ட்வீட்

தமிழகத்தில் டாஸ்மாக் கடைகள் திறக்கப்படுவதற்கு அரசியல் கட்சியினர் பலரும் கண்டனம் தெரிவித்துள்ளனர். குஷ்பு தனது ட்விட்டர் பதிவில் உங்களுக்கு வந்தால் ரத்தம் எங்களுக்கு வந்தால் தக்காளி சட்டினியா என்று கேட்டுள்ளார்.

சென்னை: தமிழகத்தில் லாக்டவுன் காலத்தில் டாஸ்மாக் கடைகள் திறக்கப்படுவதற்கு கடும் எதிர்ப்புகள் எழுந்துள்ளன. பாஜகவின் குஷ்பு தனது ட்விட்டர் பக்கத்தில், உங்களுக்கு வந்தா அது இரத்தம் எங்களுக்கு வந்தா அது தக்காளி சட்னி? பதில் சொல்லுங்க முதல்வர் மு.க ஸ்டாலின் என்று பதிவிட்டுள்ளார்.

தமிழகத்தில் கொரோனா ஊரடங்கு மேலும் ஒரு வார காலத்திற்கு நீட்டிக்கப்படுவதாக முதல்வர் மு.க. ஸ்டாலின் நேற்று அறிவித்துள்ளார். தமிழகத்தில் 27 மாவட்டங்களில் டாஸ்மாக் கடைகள் காலை 10 மணி முதல் மாலை 5 மணி வரை செயல்பட அரசு அனுமதியளித்துள்ளது.

தொற்று அதிகமுள்ள 11 மாவட்டங்களை தவிர்த்து மற்ற 27 மாவட்டங்களுக்கு இந்த அனுமதி பொருந்தும் என்று அறிவிக்கப்பட்டுள்ளது.

தக்காளி சட்னி

தமிழக அரசின் இந்த அறிவிப்புக்கு பாமக, தமிழக பாஜக நிர்வாகிகளும், அமமுக செயலாளர் டிடிவி தினகரன் உள்ளிட்டோர் கண்டனம் தெரிவித்துள்ளனர். குஷ்பு தனது ட்விட்டர் பக்கத்தில் உங்களுக்கு வந்தா அது இரத்தம் எங்களுக்கு வந்தா அது தக்காளி சட்னி? பதில் சொல்லுங்க முதல்வர் மு.க ஸ்டாலின் என்று பதிவிட்டுள்ளார்.

திமுக அப்போது எதிர்ப்பு

கடந்த ஆண்டு கொரோனா லாக்டவுன் காலத்தில் மூடப்பட்ட டாஸ்மாக் கடைகள் மே மாதத்தில் திறக்கப்படும் என அப்போதய அதிமுக அரசு அறிவித்தது. அதற்கு எதிர்ப்பு தெரிவித்து அப்போதய திமுக தலைமையிலான எதிர்கட்சியினர் போராட்டத்தில் ஈடுபட்டனர்.

பதாகை ஏந்திய ஸ்டாலின்

அரசு கொடுக்கும் நிவாரணத் தொகை முழுவதும் டாஸ்மாக் கடைகளுக்கு சென்று விடும் என்று கூறி கையில் பதாகை ஏந்தி மு.க ஸ்டாலின், உதயநிதி ஸ்டாலின் ஆகியோர் போராட்டத்தில் ஈடுபட்டனர். இப்போது திமுக ஆட்சியில் டாஸ்மாக் கடைகள் திறக்கப்படும் என்று அறிவிக்கப்பட்டுள்ளதால் பழைய போட்டோக்களை தற்போது சமூக வலைத்தளங்களில் பதிவிட்டு பலரும் கேள்வி எழுப்பி வருகின்றனர்.

பதில் சொல்வாரா முதல்வர்

இதன் காரணமாகவே நடிகையும் பாஜக நிர்வாகியுமான குஷ்பு உங்களுக்கு வந்தா ரத்தம் எங்களுக்கு வந்தால் தக்காளி சட்டினியா என்று வடிவேல் பாணியில் கேள்வி எழுப்பியுள்ளார் குஷ்பு. பதில் சொல்வாரா முதல்வர் மு.க ஸ்டாலின்.

English summary

In Tamil Nadu, there has been strong opposition to the opening of Tasmac stores during the lockdown. BJP's Khushboo on his Twitter page, Did it come to you? Did it come to us with blood? Is it tomato chutney? Reply Chief Minister MK Stalin.