இதுக்கும் மதுரைதான் “பேமஸ்”.. உலகின் சிறந்த 25 கண் ஆய்வாளர்கள்! “லிஸ்டில்” 4 மதுரை மருத்துவர்கள்

சென்னை: உலகின் தலைசிறந்த பல்கலைக்கழகங்களில் ஒன்றான ஸ்டான்போர்ட் வெளியிட்டு இருக்கும் சிறந்த 2% கண் மருத்துவ ஆராய்ச்சியாளர்கள் பட்டியலில் மதுரை அர்விந்த் கண் மருத்துவமனையை சேர்ந்த 4 மருத்துவர்கள் இடம்பெற்றுள்ளனர்.

அமெரிக்காவின் கலிஃபோர்னியா நகரத்தில் அமைந்து இருக்கும் உலக புகழ்பெற்ற பல்கலைக்கழகம் ஸ்டான்ஃபோர்ட். இந்த பல்கலைக்கழகம் அண்மையில் ஒரு தரவரிசை பட்டியலை வெளியிட்டு இருக்கிறது.

2021 ஆண்டுக்கான உலக கண் மருத்துவ ஆராய்ச்சியாளர்களில் தலைசிறந்து விளங்கும் 2 சதவீதம் பேரின் தரவரிசை பட்டியல்தான் அது. அதில் தமிழ்நாட்டை சேர்ந்த மருத்துவர்களும் இடம்பெற்று இருக்கின்றனர்.

முதல் 6

ஸ்டான்போர்ட் வெளியிட்ட அந்த தரவரிசை பட்டியலில் முதலிடத்தில் சந்தோஷ் ஹொனவர், 2 வது இடத்தில் பிலிப் தாமஸ் ஆகியோரும் 3 வது இடத்தில் விரேந்தர் சங்வான், 4 வது இடத்தில் ரோகித் ஷெட்டி, 5 வது இடத்தில் முத்தையா ஸ்ரீனிவாசன், 6 வது இடத்தில் மருத்துவர் முஹம்மது ஜாவித் அலி ஆகியோரும் இடம்பிடித்து இருக்கின்றனர்.

இந்தியர்கள் அதிகம்

7 வது இடத்தில் சாவித்ரி ஷர்மா, 8 வது இடத்தில் அமோத் குப்தா, 9 வது இடத்தில் விஷாலி குப்தா, 10 வது இடத்தில் மருத்துவர் வினோத் குமார் ஆகியோரும் 11 வது இடத்தில் நம்ரதா ஷர்மா, 12 வது இடத்தில் பிரஷாந்த் கார்க், 13 வது இடத்தில் ஜில் கீஃபீ, 14 வது இடத்தில் குல்லபல்லி ராவ் ஆகியோரும் இடம்பிடித்து உள்ளார்கள்.

மதுரை மருத்துவர்கள்

15 வது இடத்தில் சுவாதி கலிகி, 16 வது இடத்தில் ரோகித் கன்னா, 17 வது இடத்தில் லலிதா பிராசன்னா, 18 வது இடத்தில் ரத்தினம் சிவக்குமார், 19 வது இடத்தில் ஜோதிர்மே பிஸ்வாஸ், 20 வது இடத்தில் மிட்டனமல்லி ஸ்ரீதர், 21 அக்‌ஷய் கோபிநாதன் நாயர், 22ல் ராஜீவ் ராமன், 23ல் வெங்கடேஷ் பிரச்சன்னா, 24ல் சூசன் ஜேக்கப், 25ல் ரோகித் சக்சேனா ஆகியோர் உள்ளனர்.

மதுரை கண் மருத்துவமனை

இதில் ஏராளமான இந்திய மருத்துவர்கள் இடம்பெற்று உள்ளார்கள். குறிப்பாக இடம் இடம்பெற்ற மருத்துவர்கள் ஸ்ரீனிவாசன், ரத்தினம் சிவக்குமார், வெங்கடேஷ் பிரசன்னா, லலிதா பிரசன்னா ஆகியோர் 4 பேரும் மதுரையில் புகழ்பெற்ற அர்விந்த் கண் மருத்துவமனையில் பணிபுரிபவர்கள் என்பது குறிப்பிடத்தக்கது.

English summary

4 doctors from Madurai Arvind Eye Hospital have been included in the list of top 2% Ophthalmology researchers published by one of the world's top university Stanford.