"மிஸ் யூ அப்பா.." கருணாநிதி பற்றி நெகிழும் குஷ்பு.. "எனக்கு தந்தை மாதிரி" உருகும் எஸ்.வி.சேகர்

Updated: Thursday, June 3, 2021, 16:11 [IST]

Subscribe to Oneindia Tamil

சென்னை: ஒரு நாள் கூட வெற்றிடத்தை உணராமல் இல்லை, நீங்கள் ஒரு சிறந்த ஆசிரியர், மிஸ் யூ அப்பா என மறைந்த திமுக தலைவர் கருணாநிதியின் பிறந்த நாளில் டுவீட் வெளியிட்டுள்ளார், பாஜகவைச் சேர்ந்த நடிகை குஷ்பு.

Recommended Video

எனக்கு தந்தை மாதிரி கருணாநிதி பற்றி உருகும் எஸ்.வி.சேகர் - வீடியோ

குஷ்பு தனது அரசியலின் ஆரம்ப காலங்களில் திமுகவில் இருந்தார். அப்போது திமுகவின் தலைவராக இருந்த கருணாநிதியுடன் அவ்வப்போது சந்தித்து பேசும் வாய்ப்பு அவருக்கு அமைந்தன.

ஆனால், வேறு சில நிர்வாகிகளுக்கும், குஷ்புவிற்கும் கருத்து வேறுபாடு ஏற்பட்டதாக கூறப்பட்டது. இதையடுத்து திமுகவிலிருந்து விலகி காங்கிரசில் இணைந்தார். ஆனால் அங்கும் லோக்சபா தேர்தலில் சீட் கொடுக்காத கோபத்தில், பாஜகவில் சேர்ந்தார். ஆயிரம் விளக்கு தொகுதியில் பாஜக சார்பில் இந்த சட்டசபை தேர்தலில் குஷ்பு போட்டியிட்டார். ஆனால், திமுக வேட்பாளர் எழிலனிடம் தோற்றார்.

வெற்றிடம்

இந்த நிலையில்தான், கருணாநிதியின் 98வது பிறந்த நாளான இன்று டுவிட்டரில், கருணாநிதி குறித்து புகழாரம் சூட்டியுள்லார் குஷ்பு. வெற்றிடம் ஏற்பட்டுவிட்டதாக நான் உணராத ஒரு நாள் கூட இல்லை. கடவுளை விட குரு மேலானவர். நீங்கள்தான் எனது சிறப்பான ஆசிரியர். உங்களது ஆசீர்வாதங்கள், எப்போதுமே என் மீது விழுந்து கொண்டே இருக்கும் என்பது உறுதி. மிஸ் யூ அப்பா. இவ்வாறு குஷ்பு தெரிவித்துள்ளார்.

குஷ்புவிற்கு கேள்விகள்

ஒரு பக்கம், பாஜக ஆதரவாளர்கள், கருணாநிதியை விமர்சனம் செய்து டுவிட்டரில் டேக் போட்டு டிரெண்ட் செய்து வருகிறார்கள். இன்னொரு பக்கம், அக்கட்சியின் முக்கிய பிரமுகராக மாறிய குஷ்பு, கருணாநிதிக்கு வாழ்த்து தெரிவித்துள்ளார். இது அரசியல் நாகரீகமாக பார்க்கப்பட்டாலும், குஷ்பு கட்சி மாறப்போகிறாரா என்று அவரது பின்னூட்டத்தில் கேட்கும் நெட்டிசன்களையும் பார்க்க முடிகிறது.

எஸ்.வி.சேகர் வாழ்த்து

இதேபோலத்தான், பாஜக பிரமுகரும், முன்னாள் எம்எல்ஏவுமான எஸ்.வி.சேகரும் கருணாநிதி பிறந்த நாளுக்கு டுவிட்டரில் வாழ்த்து தெரிவித்துள்ளார். எஸ்.வி.சேகர், அதிமுகவில் எம்எல்ஏவாக இருந்தவர். பிறகு ஜெயலலிதாவுடன் கருத்து வேறுபாடு ஏற்பட்டு, பாஜகவில் சேர்ந்தார்.

தந்தையை போல பாசம்

எஸ்.வி.சேகர் தனது டுவிட்டர் பதிவில், கட்சி அரசியல் தாண்டி ஒரு தந்தை போல் என் மேல் பாசம் காட்டியவர் கலைஞர் என்று தெரிவித்துள்ளார். மேலும், இதுவரை கருணாநிதியை எஸ்.வி.சேகர் சந்தித்த நிகழ்வுகளின் புகைப்பட தொகுப்பை வீடியோவாக பதிவு செய்துள்ளார்.