கோவையில் மூன்று கோயில்கள் சேதப்படுத்தப்பட்டது கண்டனத்திற்குரியது: மு.க. ஸ்டாலின்

சென்னை: கோவையில் 3 கோயில்கள் சேதப்படுத்தப்பட்டது கண்டனத்துக்குரியது என்று திமுக தலைவர் மு.க.ஸ்டாலின் கண்டனம் தெரிவித்துள்ளார்.

கோவை டவுன்ஹால் ரோடு மாகாளியம்மன் கோவில் பகுதியில் கோவில் முன்பாக டயர்கள் வீசப்பட்டன; திரிசூலம் வளைக்கப்பட்டது என செய்திகள் வெளியாகின. இந்த காலித்தனத்தை செய்த மர்ம நபர்கள் மீது நடவடிக்கை எடுக்க வலியுறுத்தப்பட்டது.

இதேபோல் நல்லாம்பாளையத்தில் கோவில் பொருட்கள் எரிக்கப்பட்டன. இப்படி கோவையில் மொத்தம் 3 கோவில்கள் சேதப்படுத்தப்பட்டதாக குற்றச்சாட்டு எழுந்தது.

இது தொடர்பாக திமுக தலைவர் மு.க.ஸ்டாலின் தமது ஃபேஸ்புக் பக்கத்தில் பதிவிட்டுள்ளதாவது:

கோவையில் நேற்று மூன்று கோயில்கள் சேதப்படுத்தப்பட்டது மிகவும் கண்டனத்திற்குரியது.

பேரிடர் காலத்தில் அதிமுக்கியப் பிரச்சினைகளிலிருந்து, பொது கவனத்தை திசை திருப்பாதவண்ணம், குற்றம் புரிந்தோர் உடனடியாக சட்டத்தின் முன்னே நிறுத்தப்படுவதை முதலமைச்சர் உறுதி செய்ய வேண்டும்.

இவ்வாறு மு.க.ஸ்டாலின் கூறியுள்ளார்.

English summary

DMK President MK Stalin has condemned that the tyres burn in front of Coimbatore Temples incidents.