MK Stalin: தவெக ஆட்சியில் Vice City- ஆக மாறும் தமிழகம்! மு.க.ஸ்டாலின் கடும் விமர்சனம்!

Subscribe to Oneindia Tamil

சென்னை: தவெக ஆட்சியில் தமிழகம் Vice City- ஆகிக் கொண்டிருக்கிறது என முன்னாள் முதல்வரும், திமுக தலைவருமான மு.க.ஸ்டாலின் விமர்சித்துள்ளார். தமிழகத்தில் கடந்த 6 மாதங்களாக குற்றச்செயல்கள் அதிகரித்துள்ளதாக எதிர்க்கட்சிகளால் விமர்சனங்கள் முன்வைக்கப்படடு வருகின்றன.

இதுகுறித்து தனது சமூகவலைதள பக்கத்தில் கூறியிருப்பதாவது: TVK ஆட்சியில் Vice City ஆகும் தமிழ்நாடு! சென்னையில் 700 கோடி ரூபாய் மதிப்பிலான ஹெராயின் போதைப் பொருளை ஒன்றிய அரசின் வருவாய்ப் புலனாய்வுத் துறை பறிமுதல் செய்துள்ளது.

MK Stalin

கடந்த மாதம் நாகையில், 270 கோடி ரூபாய் மதிப்பிலான போதைப் பொருளுடன் த.வெ.க. நிர்வாகியான 'மெத்' பூபாலனின் கடத்தல் சாம்ராஜ்யத்தைப் பிடித்த அதே DRI அமைப்புதான் இதனையும் பிடித்துள்ளது. நம் மாநிலத்தில் அவர்கள் மாதாமாதம் பிடிக்கிறார்கள்.

இதில் நமக்கு எழும் கேள்வி என்னவென்றால், தமிழ்நாட்டுக்குள் நடக்கும் இவ்வளவு பெரிய அளவிலான போதைப் பொருள் நடமாட்டங்களை மாநில அரசின் காவல்துறையால் ஏன் பிடிக்க முடியவில்லை?

பிடிக்க முடியவில்லையா அல்லது கண்டும் காணாமல் இருக்கிறார்களா? முதலீட்டாளர்களின் முதல் முகவரியாக இருந்த தமிழ்நாடு இப்போது மெத், ஹெராயின் கடத்தல்காரர்களின் favourite destination ஆகிவிட்டது.

தொடரும் சட்ட ஒழுங்கு சீர்குலைவு, த.வெ.க.வினரின் கட்டுக்கடங்காத பாலியல் அத்துமீறல்கள், மாபெரும் கொள்ளைச் சம்பவங்கள், குலைநடுங்க வைக்கும் லாக்கப் மரணங்கள் என TVK ஆட்சியில் தமிழ்நாடே Vice City ஆகிக் கொண்டிருக்கிறது.

Readers can click "Add as a preferred source on Google" option in OneindiaTamil to get our coverage while you search on Google.

இவற்றில் இருந்தெல்லாம் திசைதிருப்ப நேற்று புள்ளிவிவரங்களை ஒப்பித்த காவல்துறைத் தலைவர் இந்த ஹெராயின் பறிமுதல் குறித்து என்ன சொல்லப் போகிறார்? எல்லவாற்றுக்கும் 'வழக்கு பதியப்பட்டுள்ளது' என்பதை மட்டுமே பதிலாகத் தரும் அவர், மாநில அரசின் அமைப்புகளால் ஏன் போதைக் கடத்தல்காரர்களைப் பிடிக்க முடியவில்லை என்பதற்கு பதில் சொல்ல வேண்டும்.

போதைப் பொருள் கடத்தலைத் தடுக்க அமைக்கப்பட்ட 65 சிறப்பு அதிரடிப் படை என்ன செய்துகொண்டிருக்கிறது? முதலமைச்சர் விஜய்யின் கட்டுப்பாட்டில் இருக்கும் உள்துறையில் இத்தனை பிரச்சனைகள் நடந்து கொண்டிருக்கிறது. இப்போதும் பேசவில்லை என்றால் எப்போதுதான் அவர் பேசுவார்?

த.வெ.க. ஆட்சியில் அக்கட்சியின் ரீல்ஸ் மோகிகள் சட்டவிரோதமாக அணையைக் கூட திறக்கிறார்கள். ஆனால், முதலமைச்சர் விஜயின் வாயை யாராலும் திறக்க முடியவில்லையே! இவ்வாறு ஸ்டாலின் விமர்சித்துள்ளார்.

வைஸ் (Vice) சிட்டி என்றால் குற்றங்கள், ஊழல் அல்லது ஒழுக்கக் கேடான செயல்கள் நிறைந்த நகரம் என்ற அர்த்தமாகும். கிராம்ட் தெஃப்ட் ஆட்டோ வரிசையில் வரும் ஃப்ளோரிடா, மியாமியை போன்ற ஒரு கற்பனை நகரம் ஆகும்.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+