யாரென்று தெரிகிறதா.. என்னா ஒரு லுக்.. என்னா ஒரு ஸ்பீடு.. அடேங்கப்பா.. வைரலாகும் "சைக்கிள் ஸ்டாலின்"!
சைக்கிள் ஓட்டும் ஸ்டாலினின் வீடியோ வைரலாகி வருகிறது
சென்னை: யார் தெரியுதா பாருங்க.. என்னா ஒரு லுக்.. என்னா ஒரு ஸ்பீடு.. என்னா ஒரு ஸ்மார்ட்.. இது நம்ம ஸ்டாலினேதான்.. சைக்கிளிங் ஓட்டும் வீடியோதான் சோஷியல் மீடியாவில் படு வைரலாகி வருகிறது.
Recommended Video
பொதுவாகவே கருணாநிதி குடும்பத்துக்கு என்று ஒரு ஜீன் உள்ளது. அந்த குடும்ப உறுப்பினர்களுக்கு யாருக்கும் வயது அவ்வளவாக தெரியாது. இதில் அநியாயம் ஸ்டாலின்தான்... வயசு 67 ஆகிறது. ஆனாலும் இன்னும் யூத்ஃபுல்லாக இருக்கிறார் மனுஷர்!!
40 வயசு கடந்து ரொம்ப வருஷம் ஆகியும் திமுக இளைஞர் அணி தலைவராகவே இருந்தது அநேகமாக ஸ்டாலினாகத்தான் இருக்கும்.. அதற்கேற்ற தோற்றமும் அவருக்கு பெரிதும் கைகொடுத்தது. ஆனால் இதெல்லாம் சும்மா வந்து விடவில்லை. உடற்பயிற்சி செய்வதற்காகவே வீட்டில் தனியாக 'ஜிம்' வைத்திருக்கிறார் ஸ்டாலின்.
நமக்கு நாமே உட்பட எந்த தேர்தல் பிரச்சாரமாக இருந்தாலும் சரி, திடீரென கலர் கலர் டி- ஷர்ட் போட்டு, வயசு பையன்களின் காதில் புகைச்சலை தந்துவிடுவார்.. அந்த சமயங்களில் கலர் டீ-ஷர்ட்டில் வாக்கிங் & ஜாக்கிங்கில் படு யங்காக உருமாறுவார்!!
25 வருஷத்துக்கு முன்பும் ஸ்டாலின் இப்படித்தான் இருந்தார். ஒல்லியான தோற்றத்துடன், முன்பக்க நெற்றியில் கற்றைமுடி புரள, கலர் கலர் சட்டையில் இருப்பார்... இப்போதும் அப்படியேதான் இருக்கிறார். ஆனால் தலைமுடி மட்டும் கொட்டிவிட்டதுபோல தெரிகிறது. பொதுவாக, அளவுக்கு அதிகமாக சுருட்டை இருப்பவர்களுக்கு முடி கொட்டும் என்பது இயற்கை.. அந்த வகையில்தான் ஸ்டாலினுக்கும் கொட்டிவிட்டது. அதனால் புது விக் ஒன்றை வைத்துள்ளார்.. இதை வைத்தபிறகு இன்னும் ஸ்மார்ட் லுக் வந்துவிட்டது.
சென்னை போட்ட விதை.. 500 வழக்கு.. மக்களுக்காக அதிகாரத்தை எதிர்த்த போராளி.. யார் இந்த பிரஷாந்த் பூஷண்?
இதற்கு காரணம், இத்தனை வயதுக்கு பிறகும் தலைவராக பொறுப்பேற்றுள்ளாரே என்ற ஒரு பேச்சு எழுந்து வருவதுதான்... அதனாலேயே யூத்தாக தொண்டர்களிடம் தென்பட, விக் சமாச்சாரம் கை கொடுத்தது.. இப்போதும் ஒரு வீடியோ வைரலாகி வருகிறது.. அதில் ஸ்டாலின் சைக்கிள் ஓட்டுகிறார்.. வேகவேகமாக ஓட்டுகிறார்.நல்ல ஆரோக்கியமாக இருக்கிறார்.. பார்க்கவே மகிழ்ச்சியாக இருக்கிறது.
ஏதோ எக்சர்ஸைஸ் செய்வதற்காக சைக்கிள் ஓட்டுகிறார் என்று மட்டும் இதை கருத முடியாது... இதற்கு பின்னால் வேற ஒரு சமாச்சாரம் உள்ளதாம்.. "வயது முதிர்வு" என்ற விமர்சனத்தை நொறுக்கவே இந்த வீடியோ வெளியிடப்பட்டுள்ளதாகவும், இதுவும் சாட்சாத் பிகே-வின் வியூகங்களில் ஒன்றாகவும் கருதப்படுகிறது.. இதுகுறித்த விமர்சனங்களும் சோஷியல் மீடியாவில் எழுந்து வருகின்றன.
எத்தனையோ அரசியல் காரணங்கள் அரசல்புரசலாக சொல்லப்பட்டாலும், எப்பவுமே வெள்ளை வேட்டி சட்டையில் பார்த்து பார்த்து பழகிவிட்ட ஸ்டாலினை, இப்படி புது புது கெட்டப்பில், புது புது ஸ்டைலில் யூத் ஃபுல்லாக பார்ப்பது தொண்டர்களுக்கு உத்வேகத்தையும், புத்துணர்ச்சியையும் தந்து வருகிறது.