இனி 742 டாஸ்மாக் கடைகளில் வெளிநாட்டு மதுபானங்கள் விற்பனை.. கடைகளை தேர்வு செய்யும் பணிகள் தீவிரம்!

Subscribe to Oneindia Tamil

சென்னை: தமிழகத்தில் உள்ள சில டாஸ்மாக் மதுபானக் கடைகளில் வெளிநாட்டு மதுபான வகைகளும் விற்பனை செய்யப்பட்டு வருகின்றன. இந்நிலையில், 742 கடைகளில் இறக்குமதி மதுபானங்களை விற்க திட்டமிடப்பட்டுள்ளது. இதற்காக கடை தேர்வு செய்யும் பணிகள் தீவிரப்படுத்தப்பட்டுள்ளன.

தமிழகத்தில் மொத்தம் 4,050 டாஸ்மாக் கடைகள் உள்ள நிலையில், தற்போது 205 கடைகளில் மட்டுமே இறக்குமதி மதுபானங்கள் (Imported liquor) விற்பனை செய்ய உரிமம் உள்ளது. இவற்றில் 538 வகையான வெளிநாட்டு மதுபானங்கள் விற்பனை செய்யப்படுகின்றன. இதில் 301 வகையான விஸ்கி, 38 வகையான பிராந்தி மற்றும் 199 வகையான ஒயின் இடம்பெற்றுள்ளன. ஆனால், அனைத்து வகையான மதுபானங்களும் எல்லா கடைகளிலும் கிடைப்பதில்லை. விற்பனை மற்றும் இருப்பு குறைவாகவே உள்ளது.

liquor shop

எனவே வெளிநாட்டு மதுபானங்களை இன்னும் கூடுதலான டாஸ்மாக் கடைகளில் விற்பனை செய்ய நிர்வாகம் முடிவு செய்துள்ளது. 742 கடைகளில் இறக்குமதி மதுபானங்களை விற்க திட்டமிடப்பட்டுள்ளது. இதற்காக இறக்குமதி செய்யப்படும் வெளிநாட்டு மதுபானங்களை விற்பனை செய்வதற்காக எப் உரிமம் பெற்ற கடைகளை எப். எல்.2 உரிமம் பெற்ற கடைகளாக தரம் உயர்த்த திட்டமிட்டுள்ளது.

இதன் மூலம் வெளிநாட்டு மதுபானங்களை விற்பனை செய்ய அனுமதி வழங்கப்படும். இதற்காக மாவட்ட மேலாளர்கள் தங்களது மாவட்டங்களில் உள்ள டாஸ்மாக் விற்பனை கடைகளை ஆய்வு செய்து, விற்பனை வாய்ப்பு, கடையின் இடவசதி, வாடிக்கையாளர்களின் தேவை உள்ளிட்ட அம்சங்களின் அடிப்படையில் பரிந்துரைகளை சமர்ப்பிக்குமாறு கேட்டுக் கொள்ளப்பட்டுள்ளனர்.

கடைகளின் விவரங்களை நவம்பர் 20 ஆம் தேதிக்குள் சமர்ப்பிக்க அறிவுறுத்தப்பட்டுள்ளது. அதன்பின்னர் இறுதியாக தேர்வு செய்யப்படும் கடைகளின் எண்ணிக்கை முடிவு செய்யப்படும். தற்போது டாஸ்மாக் கடைகளில் பெரும்பாலும் உள்ளூர் உற்பத்தியாளர்களின் மதுபானங்கள் விற்பனை செய்யப்படுகின்றன. இதனுடன் பிறமாநிலங்களில் இருந்து குறைந்த அளவில் மதுபானங்கள் கொள்முதல் செய்யப்படுகின்றன.

புதிய திட்டத்தின்கீழ் 174 வகையான மதுபானங்கள், 40 வகையான பீர் மற்றும் 4 வகையான ஒயின் ஆகியவை தமிழகத்தில் தயாரிக்கப்படும் வகைகளாகவும், மேலும் 6 வகையான மதுபானங்கள், 5 வகையான பீர் மற்றும் 5 வகையான ஒயின் ஆகியவை பிற மாநிலங்களில் இருந்து கொள்முதல் செய்யப்படும் வகைகளாகவும் பட்டியலில் இடம்பெற்றுள்ளன.

சென்னையில் மட்டும் 676 டாஸ்மாக் கடைகள் உள்ள நிலையில், அவற்றில் 319 கடைகள் இறக்குமதி மதுபானங்கள் அதாவது வெளிநாட்டு மதுபான வகைகள் விற்பனைக்காக தேர்வு செய்யப்பட்டுள்ளன. விரைவில், தேர்வு செய்யப்படும் கடைகளில் வெளிநாட்டு மதுபான வகைகள் விற்பனைக்குக் கிடைக்கும்.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+