மீண்டும் நடந்த வரலாறு.. உலக டிரெண்டிங்கில் இடம்பிடித்த #GoBackModi... தெறிக்கவிட்ட நெட்டிசன்ஸ்!
Recommended Video
சென்னை: பிரதமர் மோடியின் தமிழக வருகையை எதிர்த்து அடுத்து #GoBackModi டேக் உலக அளவில் டிரெண்டாகி உள்ளது.
மதுரை தோப்பூரில் அமைய இருக்கும் எய்ம்ஸ் மருத்துவமனைக்கு அடிக்கல் நாட்டுவதற்காக பிரதமர் மோடி தற்போது தமிழகம் வந்துள்ளார். இன்னும் சற்றுநேரத்தில் அவர் எய்மஸ் மருத்துவமனைக்கு அடிக்கல் நாட்டுகிறார்.
பிரதமர் மோடியின் தமிழக வருகையை அடுத்து டிவிட்டரில் சண்டை நடந்து வருகிறது. பிரதமர் மோடியின் தமிழக வருகைக்கு எதிராக டிவிட்டரில் #GoBackModi என்ற டேக் உருவாக்கப்பட்டுள்ளது.
என்ன இடம்
தற்போது இந்த #GoBackModi டேக் உலக அளவில் 3வது இடம்பிடித்துள்ளது. தொடர்ந்து இதில் நிறைய டிவிட்டுகள் போடப்பட்டு வருகிறது. தேசிய அளவில் இந்த டேக் முதலிடத்தில் இருப்பது குறிப்பிடத்தக்கது.
வாய்ப்புள்ளது
இந்த டேக் 45 நிமிடங்களாக 3ம் இடத்தில் உள்ளது. இன்னும் சில நிமிடத்தில் இது முதல் இடம் பெற வாய்ப்புள்ளது என்று கூறுகிறார்கள். நிறைய டிவிட்டுகள் இதில் போடப்பட்டு வருவதால் இது விரைவில் உலக அளவில் முதல் இடம் பிடிக்க வாய்ப்புள்ளது.
செம வைரல்
மோடிக்கு தமிழக வருகையை ஆதரித்து #TNWelcomesModi டேக் வைரலாகி வருகிறது. ஆனாலும் பிரதமர் மோடியின் தமிழக வருகைக்கு எதிராக டிவிட்டரில் #GoBackModi என்ற டேக்தான் பெரிய ஹிட் அடித்து இருக்கிறது. நேற்றே #GoBackModi டேக் தேசிய அளவில் முதலிடம் பிடித்தது. இப்போதுவரை இது முதலிடத்தில் இருக்கிறது.
ஏற்கனவே டிரெண்ட் ஆனது
இதேபோல் சென்ற வருடம் ஏப்ரல் மாதம் பிரதமர் மோடிக்கு எதிராக #GoBackModi உலக அளவில் டிரெண்டானது. அப்போது சென்னையில் நடந்த ''டிஃபேஎக்ஸ்போ 2018'' எனப்படும் ராணுவ மற்றும் தொழில்நுட்ப கருத்தரங்கில் கலந்து கொள்ள பிரதமர் மோடி சென்னை வந்தார். அப்போதுதான் #GoBackModi உலக அளவில் டிரெண்டானது. அப்போது #GoBackModi உலக அளவில் முதல் இடத்தில் டிரெண்டானது குறிப்பிடத்தக்கது.
Click it and Unblock the Notifications
Sign in with Google