தங்க தமிழ்ச்செல்வன் இல்லைன்னா முத்துசாமி.. டிடிவி தினகரன் 'மூவ்'

சென்னை: தேனி மாவட்ட அம்மா மக்கள் முன்னேற்ற கழக புதிய மாவட்ட பொறுப்பாளராக முத்துசாமி என்பவரை அம்மா மக்கள் முன்னேற்ற கழக பொதுச்செயலாளர் டிடிவி தினகரன் நியமனம் செய்துள்ளார்.

தேனி மாவட்ட அம்மா மக்கள் முன்னேற்ற கழக செயலாளராக இருந்தவர் தங்க தமிழ்ச்செல்வன். இவர், நேற்று அக்கட்சியிலிருந்து விலகி, திமுகவில் இணைந்துள்ளார். இதையடுத்து தாமதிக்காத, தினகரன், இன்று, முத்துசாமி என்பவரை, தேனி மாவட்ட பொறுப்பாளராக நியமித்துள்ளார்.

இவர் சின்னமனூர் அருகே உள்ள கீழபூழானந்தபுரம் கிராமத்தைச் சேர்ந்தவர். இதற்கு முன்பு சின்னமனூர் ஒன்றிய செயலாளராக பதவி வகித்து வந்த இவர், தற்போது தேனி மாவட்ட பொறுப்பாளராக நியமனம் செய்யப்பட்டுள்ளார்.

தினகரன் தங்கத் தமிழ்ச்செல்வன் உள்ளிட்டோருக்கு, முத்துசாமி, மாற்றாக முடியுமா என்பதை வரும்காலம்தான் பதில் சொல்ல வேண்டும்.

English summary

Muthusamy appointed as the new district in-charge for Theni for AMMK party.