நீட் தேர்வுக்கான ஹால் டிக்கெட் வெளியீடு! டவுன்லோடு செய்வது எப்படி? இதோ வழிமுறைகள்
சென்னை: நீட் தேர்வு 2025 ஆம் ஆண்டுக்கான ஹால் டிக்கெட் இன்று வெளியிடப்பட்டுள்ளது. வரும் 4 ஆம் தேதி இளநிலை நீட் தேர்வு நடைபெற இருக்கும் நிலையில் இன்று ஹால் டிக்கெட் வெளியிடப்பட்டுள்ளது. தேர்வர்கள் neet.nta.nic.in என்ற இணையதளத்தில் ஹால் டிக்கெட்டை பதிவிறக்கம் செய்து கொள்ளலாம்.
எம்பிபிஎஸ், பிடிஎஸ், சித்தா, ஆயுர்வேதா, யுனானி, ஓமியோபதி எனும் பல் மருத்துவ படிப்புகளுக்கு "நீட்' நுழைவுத்தேர்வு" எழுத வேண்டும். தேசிய தேர்வு முகமையால் (என்.டி.ஏ) இந்த நீட் தேர்வு நடத்தப்படுகிறது. நாட்டில் உள்ள அரசு மற்றும் தனியார் மருத்துவ கல்லூரிகளில் அகில இந்திய ஒதுக்கீட்டுக்கு நீட் தேர்வு மூலமாக மாணவர்கள் சேர்க்கையானது நடைபெற்று வருகிறது.
ஒவ்வொரு ஆண்டும் நீட் தேர்வு நடந்து வருகிறது. மருத்துவக் கல்லூரிகளில் சேர்வதற்காக பல லட்சக்கணக்கான மாணவர்கள் இதற்காக தயாராகி வருகிறார்கள். அந்த வகையில் நடப்பு 2025- 2026 ஆம் ஆண்டுக்கான நீட் தேர்வுக்கான அறிவிப்பு கடந்த பிப்ரவரி மாதம் 7 ஆம் தேதி வெளியிடப்பட்டது. இதற்கு நாடு முழுவதிலும் இருந்து பல்வேறு மாணவர்கள் விண்ணப்பித்து இருந்தனர்.
மொத்தம் 20 லட்சம் மாணவ மாணவிகள் தேர்வுக்கு விண்ணப்பித்து இருந்ததாக கூறப்படுகிறது. இந்த நிலையில் தேர்வு எப்போது நடைபெறும் என தேர்வர்கள் பலரும் காத்திருந்த நிலையில், வரும் மே 4 ஆம் தேதி ஞாயிற்றுக்கிழமை தேர்வு நடைபெறும் என்று அறிவிக்கப்பட்டது. இதையடுத்து இதற்கான ஹால் டிக்கெட் இன்று வெளியிடப்பட்டுள்ளது.
2025 ஆம் ஆண்டுக்கான இளநிலை நீட் தேர்வு நீட் தேர்வு தமிழ், ஆங்கிலம், இந்தி உட்பட 13 மொழிகளில் வரும் மே மாதம் 4 ஆம் தேதி நடைபெற இருக்கிறது. மதியம் 2.00 மணிக்கு இந்த தேர்வு நடைபெற இருக்கிறது. இதற்காக இன்று ஹால் டிக்கெட் இணையதளத்தில் வெளியிடப்பட்டுள்ளது. தேர்வர்கள் neet.nta.nic.in என்ற இணையதளத்தில் சென்று ஹால் டிக்கெட்டை பதிவிறக்கம் செய்து கொள்ளலாம்.
Click it and Unblock the Notifications
Sign in with Google