மு.க.ஸ்டாலின் - எடப்பாடி பழனிசாமி இணைவார்கள்!ஆருடம் கணித்த.. ஆதவ் அர்ஜுனா!
சென்னை: வரவிருக்கும் தேர்தலில் எடப்பாடி பழனிசாமியும் மு.க. ஸ்டாலினும் இணைந்து போட்டியிடுவார்கள் என்று அமைச்சர் ஆதவ் அர்ஜுனா கூறியிருக்கிறார். இந்த கருத்து கவனம் பெற்றிருக்கிறது.
தமிழக விளையாட்டுத் துறை அமைச்சர் ஆதவ் அர்ஜுனா இன்று சென்னையில் செய்தியாளர்களைச் சந்தித்துப் பேசினார். வரவிருக்கும் தேர்தலில் மு.க. ஸ்டாலினும் எடப்பாடி பழனிசாமியும் ஒன்றாகச் சேர்ந்து போட்டியிடுவார்கள் என்று அவர் தெரிவித்தார்.
மேலும், ஓ.பன்னீர்செல்வம் தனது பதவியை ராஜினாமா செய்துவிட்டு திமுகவில் இணைந்தால் அது குதிரை பேரம் ஆகுமா என்றும் அவர் கேள்வியெழுப்பினார். தான் தலைமைச் செயலகத்தை கட்சி அலுவலகமாக மாற்றவில்லை என்றும், தனது பதவியைத் துறந்து பனையூரில் உள்ள த.வெ.க. அலுவலகத்திற்கு வந்துதான் த.வெ.க.வில் இணைந்ததாகவும் அவர் விளக்கம் அளித்தார்.
ஆதவ் அர்ஜுனா, "பாஜக மற்றும் அதிமுகவுடன் இணைந்து மக்கள் தீர்ப்புக்கு எதிரான ஆட்சியை திமுக உருவாக்க முயன்றது" என்று குற்றம்சாட்டினார். த.வெ.க.வில் இணைபவர்கள் மீது எந்த குற்றச்சாட்டுகளும் இல்லை. ஒரு கட்சியில் மூன்றில் இரண்டு பங்கு உறுப்பினர்கள் இன்னொரு கட்சியில் இணைவது 'குதிரை பேரம்' ஆகாது என்று அவர் விளக்கமளித்தார். த.வெ.க. அலுவலகத்தில்தான் அந்த 3 பேரும் அதிகாரப்பூர்வமாக இணைந்தார்கள்.
மு.க. ஸ்டாலினின் தோல்விக்கு அவரது மருமகன் சபரீசனும் மகனான உதயநிதியுமே காரணம் என்று ஆதவ் அர்ஜுனா விமர்சித்தார். அனைத்துத் துறைகளிலும் ஊழல் செய்து, ஒவ்வொரு தொகுதிக்கும் ₹30 கோடி செலவழித்தும் அவர்கள் தோல்வியைச் சந்தித்தனர் என்றார். பணம், சாதி, மத அடிப்படையிலான அரசியலை மக்கள் புறக்கணித்துவிட்டதாகவும், சாதி, சமய பேதமற்ற அரசைத் தேர்வு செய்துள்ளதாகவும், பழைய அரசியலை மக்கள் தூக்கியெறிந்துவிட்டதாகவும் அவர் குறிப்பிட்டார்.
அதிமுகவின் அனைத்து நிர்வாகிகளையும் த.வெ.க. அன்புடன் வரவேற்கும் என்று ஆதவ் அர்ஜுனா தெரிவித்தார். "எம்.ஜி.ஆரையும் அண்ணாவையும் எங்கள் தலைவர் (விஜய்) முன்னிலைப்படுத்துவதால், அவர்களின் தொண்டர்களை நாங்கள் எப்போதும் வரவேற்போம்," என்றும் அவர் மேலும் கூறினார்.
இந்தக் கருத்துகளுக்கு இடையே, வரவிருக்கும் தேர்தலில் எடப்பாடி பழனிசாமியும் மு.க. ஸ்டாலினும் இணைந்து போட்டியிடுவார்கள் என்ற தனது கருத்தை அமைச்சர் ஆதவ் அர்ஜுனா மீண்டும் உறுதிப்படுத்தினார்.
Click it and Unblock the Notifications
Sign in with Google