Silver Price: 4 நாட்களில் கிலோவுக்கு ரூ. 1.25 லட்சம் சரிவு! வெள்ளி விலைக்கு என்னாச்சு!

சென்னை: வெள்ளியின் விலை தொடர்ந்து சரிந்து கொண்டே வருகிறது. இது எதற்காக என தெரிந்து கொள்வோம். சந்தையில் பதற்றமான சூழல், அமெரிக்க டாலர் வலுப்பெறுதல் உள்ளிட்ட காரணங்களால் இதன் விலை குறைந்து வருவதாக சொல்லப்படுகிறது.

சென்னையில் தங்கம் விலைதான் அதிகரித்துக் கொண்டே செல்கிறது என்றால் வெள்ளியின் விலையும் உயர்ந்து கொண்டே செல்கிறது. இந்த நிலையில் தற்போது தங்கத்தின் விலை வீழ்ந்துள்ள நிலையில் வெள்ளியின் விலையும் வீழ்ச்சி பெற்றுள்ளது.

அந்த வகையில் வெள்ளியின் விலை கடந்த ஜனவரி 30-ஆம் தேதி முதல் சரிந்து கொண்டே வருகிறது. அதாவது ஜனவரி 29ஆம் தேதி ஒரு கிராம் வெள்ளி 425 ஆக இருந்தது. இதையடுத்து 30ஆம் தேதி ஒரு கிராம் 405 ஆக விற்பனை செய்யப்பட்டது.

அன்றைய தினம் மட்டும் கிலோவுக்கு 20 ஆயிரம் ரூபாய் குறைந்தது. அது போல் ஜனவரி 31 ஆம் தேதியும் வெள்ளியின் விலை ஒரே நாளில் கிலோவுக்கு ரூ 85 ஆயிரம் குறைந்துள்ளது.

நேற்றைய தினம் பிப்ரவரி 1 ஆம் தேதி ஞாயிற்றுக்கிழமை மார்க்கெட் விடுமுறை என்பதால் அன்றைய தினம் விலை மாறாமல் ஒரு கிலோ ரூ 3,20,000 -க்கு விற்பனை செய்யப்பட்டது.

இதையடுத்து இன்றைய தினம் வெள்ளியின் விலை ஒரு கிராமுக்கு 20 ரூபாய் சரிந்து ஒரு கிராம் 300 ரூபாய்க்கும் ஒரு கிலோ 3 லட்சத்திற்கும் விற்பனை செய்யப்படுகிறது.

கடந்த 4 நாட்களில் வெள்ளியின் விலை கிலோவுக்கு ரூ 1.25 லட்சம் குறைந்துள்ளது. இந்த சரிவுக்கு காரணம் அமெரிக்க கடன் குறைவு, வர்த்தகத்தில் பதற்றமான சூழல் உள்ளிட்டவைகளால் வெள்ளியின் விலை குறைந்துள்ளதாக நிபுணர்கள் தெரிவித்துள்ளனர்.

English summary

Silver Price: Silver prices are witnessing a continuous decline due to growing uncertainty in the global market. Analysts attribute the fall to multiple factors, including a strengthening US dollar and cautious investor sentiment, which have collectively put pressure on silver prices.