நள்ளிரவு மீட்டிங்... சீல் வைத்த கவர்... ஸ்டாலினுக்கு சோனியா அனுப்பும் மெசேஜ்.. அதிரும் அறிவாலயம்

Updated: Monday, February 23, 2026, 10:03 [IST]

Subscribe to Oneindia Tamil

சென்னை: தமிழக அரசியலில் இப்போது ஹாட் டாபிக் 'சீட் ஷேரிங்'தான். ஒரு பக்கம் அறிவாலயத்தில் ஐ.யு.எம்.எல் (IUML) உடன் பேச்சுவார்த்தை நடந்து கொண்டிருக்க, இன்னொரு பக்கம் ஆழ்வார்பேட்டை சி.எம் இல்லத்தில் நள்ளிரவில் ஒரு 'சர்ப்ரைஸ்' விசிட் அடித்திருக்கிறது காங்கிரஸ் டீம்.

tamil nadu assembly elections 2026 congress

சீல் வைத்த கவரும்... சோனியாவின் மெசேஜும்!

நேற்று இரவு திடீரென முதலமைச்சர் ஸ்டாலினின் வீட்டு வாசலில் வந்து நின்றது டெல்லி கார். உள்ளே இருந்தது கே.சி. வேணுகோபால், தமிழக காங்கிரஸ் தலைவர் செல்வப்பெருந்தகை மற்றும் கிரிஷ் சோடங்கர். வழக்கமான கூட்டணி சந்திப்புதானே என நினைத்தால், அங்கேதான் ஒரு ட்விஸ்ட்! சோனியா காந்தியிடமிருந்து வந்த ஒரு 'சீல் வைக்கப்பட்ட ரகசிய கவரை' ஸ்டாலினிடம் நீட்டியிருக்கிறார் வேணுகோபால்.

"கூட்டணி ஸ்ட்ராங்கா இருக்கு பாஸ்... ஆனா, எங்களுக்குக் கொடுக்க வேண்டிய மரியாதையை (சீட்டுகளை) கொஞ்சம் கவனிங்க" என்பதுதான் அந்த கவருக்குள் இருந்த 'சைலண்ட்' மெசேஜ் என்கிறார்கள் கதர் சட்டைக்காரர்கள்.

என்னதான் வேணுமாம் காங்கிரஸிற்கு?

பேச்சுவார்த்தைக்கு இன்னும் சில நாட்கள் இருக்கும்போதே ஏன் இந்த நள்ளிரவு அவசரம்? மேட்டர் இதுதான்:

காங்கிரஸ் ஆசை: 2021-ல் வாங்கிய 25 சீட் போதாது, இந்த முறை ரவுண்டா 40 சீட் வேணும் என்பது சத்தியமூர்த்தி பவனின் டிமாண்ட்.

திமுக பிளான்: "புதுசா கமல் (MNM), பிரேமலதான்னு நிறைய பேரு கியூவுல நிக்கிறாங்க. அதனால பழைய ஆளுங்க கொஞ்சம் 'தியாகம்' பண்ணுங்க" என டி.ஆர். பாலு டீம் 30-க்குள் முடிக்கப் பார்க்கிறது.

பவர் ஷேரிங்? இப்போதைக்கு 'நோ' சொல்லியாச்சு!

கொஞ்ச நாளைக்கு முன்னாடி வரை "ஆட்சியிலும் பங்கு வேணும்" என அடம் பிடித்தது காங்கிரஸ். ஆனால், நேற்றைய சந்திப்பில் அந்தப் பேச்சே வரவில்லையாம். "ஆட்சியில பங்கு கிடையாது... ஆனா, ஒரு ராஜ்யசபா சீட் எக்ஸ்ட்ரா வேணும்னா தரோம்" என திமுக தரப்பு ஒரு இனிப்பான டீலை வீசியுள்ளதாகத் தகவல்.

கூட்டணிக் கட்சிகளுக்கான ஒதுக்கீடு - திமுக பிளான் என்ன?

கூட்டணியில் உள்ள மற்ற முக்கிய கட்சிகளுக்கான உத்தேச இடங்கள் பின்வருமாறு அமையும் எனத் தெரிகிறது:

காங்கிரஸ்: 28 தொகுதிகள் (மேலும் ஒரு தொகுதி 2028 மாநிலங்களவைத் தேர்தல் அல்லது உள்ளாட்சித் தேர்தல் அடிப்படையில் பரிசீலிக்கப்படலாம்).

விசிக (VCK): 8 தொகுதிகள். கூடுதலாக ஒரு தொகுதி வழங்கப்பட வேண்டும் என்பது குறித்து தற்போது பேச்சுவார்த்தைகள் நடந்து வருகின்றன.

தேமுதிக (DMDK): 6 தொகுதிகள். புதிதாக இணைந்துள்ள விஜயகாந்தின் தேமுதிகவிற்கு கூடுதலாக ஒரு இடம் வழங்கப்பட வாய்ப்புள்ளது.

சிபிஎம் (CPM): 6 தொகுதிகள்.

சிபிஐ (CPI): 6 தொகுதிகள்.

மக்கள் நீதி மய்யம் (MNM): 2 தொகுதிகள்.

ஐயுஎம்எல் (IUML): 2 தொகுதிகள்.

அடுத்து என்ன?

பிப்ரவரி 26, 27 தேதிகளில் தான் அசல் 'மல்யுத்தம்' ஆரம்பிக்கப்போகிறது. இடையில் சி.எம் கன்னியாகுமரி டூர் போவதால், அதற்குள் டெல்லி கொடுத்த கவருக்கு என்ன ரிப்ளை போகப்போகிறது என்பதைப் பொறுத்துதான் கூட்டணியின் 'கெமிஸ்ட்ரி' அமையும்.

மொத்தத்தில், 2026 தேர்தல் களம் இப்போதே 'ஃபுல் லோடு' ஆகிவிட்டது.