ஸ்டாலின் கையில் எடுத்த மேஜிக் 20.. பறந்த போன் கால்ஸ்.. 2-4 சதவீத கேப்பில் நடக்கும் திக் திக் யுத்தம்

Updated: Friday, April 17, 2026, 10:17 [IST]

Subscribe to Oneindia Tamil

சென்னை: "எல்லா தொகுதியிலயும் ஜெயிக்கணும்ங்கிறது இலக்கு, ஆனா இந்த 20 தொகுதிதான் என்னோட டார்கெட்!" - அறிவாலயத்தின் உள்வட்டாரங்களில் இப்படி ஒரு பேச்சு ஹாட் டாப்பிக்.

வழக்கமாகத் தேர்தல் என்றாலே சில தொகுதிகள் 'யாருக்கு?' என்று சொல்ல முடியாத அளவுக்கு இழுபறியாக இருக்கும். ஆனால், இந்த 2026 சட்டமன்றத் தேர்தலில், கிட்டத்தட்ட 20 தொகுதிகள் அப்படியே 'எட்ஜ் ஆஃப் தி சீட்' ரகமாக மாறியிருக்கின்றன. கடந்த தேர்தல்களின் தரவுகள் மற்றும் தற்போதைய கள நிலவரப்படி, இந்தத் தொகுதிகளில் வெற்றி-தோல்வி என்பது வெறும் 2 முதல் 4 சதவீத வாக்கு வித்தியாசத்தில் தான் ஊசலாடிக்கொண்டிருக்கிறது.

tamil nadu assembly elections 2026 congress

ஸ்டாலினின் 'டைரக்ட்' அட்டாக்!

இந்த 'குளோஸ் கான்டெஸ்ட்' தொகுதிகளைத் தன் நேரடிப் பார்வைக்குக் கொண்டு வந்துவிட்டார் முதல்வர் ஸ்டாலின். "கூட்டணி கணக்கு இருக்கட்டும், களப்பணி எப்படி இருக்கு?" என மாவட்டச் செயலாளர்களை விடவும், பூத் லெவல் ஏஜெண்டுகளிடம் ஸ்டாலின் காட்டும் ஆர்வம் தான் இப்போது ஹைலைட்.

24 மணி நேரத்தில் வெறும் நான்கு மணி நேரத்தை மட்டுமே ஓய்வுக்காக ஒதுக்கிவிட்டு, மீதமிருக்கும் பொன்னான நேரத்தை முழுமையாகப் போர்க்களப் பணிகளுக்காகச் செலவிட்டு வருகிறார்.

தொகுதி நிலவரம், பிரச்சார வியூகம், வேட்பாளர்களின் வெற்றி வாய்ப்பு என அவரது மூளை ஒரு சூப்பர் கம்ப்யூட்டரைப் போலச் சுழன்று கொண்டிருப்பதாக அறிவாலய வட்டாரங்கள் வியப்புடன் தெரிவிக்கின்றன. சோர்வு என்பதே தெரியாமல் சுழலும் அவரது வேகம், இளம் உடன்பிறப்புகளுக்கே சவால் விடுக்கும் வகையில் அமைந்துள்ளது.

வெறும் மேடைப் பேச்சோடு நின்றுவிடாமல், களத்தில் தொய்வு ஏற்படும் இடங்களைக் குறிவைத்து அவர் நடத்தும் 'ஆபரேஷன்' தான் இப்போது ஹாட் டாபிக். திமுக சற்றே பின்னடைவைச் சந்திக்க வாய்ப்புள்ளதாகத் தனக்குக் கிடைக்கும் ரகசியத் தகவல்களின் அடிப்படையில், சம்பந்தப்பட்ட பகுதிப் பொறுப்பாளர்களைத் தொடர்பு கொள்கிறார்.

நேரடி அழைப்புகள்: தொகுதி வாரியாக முக்கியப் பொறுப்பாளர்களைத் தனது ஐபேடில் இருக்கும் லிஸ்ட் பார்த்துத் தனிப்பட்ட முறையில் அழைக்கிறார். "அங்க நிலவரம் என்ன? அந்தப் பத்து தெருவுல நம்ம ஓட்டு அப்படியே இருக்கா? இல்லையா?" எனத் துல்லியமாக ஸ்கேன் செய்கிறார்.

மிரட்டல் இல்லாத உருட்டல்: "நாம ஜெயிக்கிறது முக்கியமில்ல, இந்தத் தொகுதியை நீங்க எப்படி ஜெயிக்க வைக்கப் போறீங்கங்கிறதுதான் முக்கியம். கஷ்டப்பட்டு உழைங்க, ரிசல்ட்ல பார்ப்போம்" எனப் பாசிட்டிவ் பிரஷரை ஏற்றி வருகிறார்.

ஏன் இந்த 20 தொகுதிகள் முக்கியம்?

எந்தவொரு தேர்தலிலும் மெஜாரிட்டியைத் தீர்மானிப்பதே இந்தத் 'திக் திக்' தொகுதிகள் தான். இந்த 2-4 சதவீத வாக்குகள் என்பது சில ஆயிரம் ஓட்டுகள் மட்டுமே. ஒரு சிறு சறுக்கல் ஏற்பட்டாலும் கோட்டை கைநழுவிவிடும் என்பதை உணர்ந்தே ஸ்டாலின் இங்கே 'மைக்ரோ மேனேஜ்மென்ட்' செய்து வருகிறார்.

அமைச்சர் பெருமக்கள் முதல் கிளைக் கழக நிர்வாகிகள் வரை அனைவருக்கும் இப்போது ஒரே அசைன்மென்ட் தான் - "ஸ்டாலின் கவனிக்கும் அந்த 20 தொகுதி!"

பரபரப்பான தேர்தல் களத்தில், பெரிய கூட்டங்களை விடவும், இந்தச் சிறு வித்தியாசத் தொகுதிகளில் ஸ்டாலின் காட்டும் வேகம் தான் 2026-ன் தலையெழுத்தை எழுதப்போகிறது.