புதுக்கோட்டை, கரூர் அதிமுக மொத்தமா காலி.. தவெகவில் இணையும் விஜயபாஸ்கர்கள்.. அதிரும் மாமல்லபுரம்
சென்னை சட்டமன்ற தேர்தல் தமிழக அரசியலில் அதிரடி திருப்பங்களை அரங்கேற்றியுள்ளது. அதிமுகவில் முன்னாள் அமைச்சர்கள் பலர் திமுக மற்றும் தவெகவில் இணைந்து வருகிறார்கள். அந்த வரிசையில் அதிமுக முன்னாள் அமைச்சர்கள் சி. விஜயபாஸ்கர், எம்.ஆர். விஜயபாஸ்கர் உள்ளிட்ட 5 முன்னாள் அமைச்சர்கள், 8 மாவட்ட செயலாளர்கள், 250க்கும் மேற்பட்ட நிர்வாகிகள் உள்ளிட்டோர் இன்று தவெகவில் இணையவுள்ளனர். இதற்கான இணைப்பு விழா மாமல்லபுரத்தில் பிரம்மாண்டமாக நடைபெறவுள்ளது.
இதுகுறித்து சி.விஜயபாஸ்கர் தன்னுடைய எக்ஸ் பக்கத்தில் வெளியிட்டுள்ள பதிவில், கடந்த 35 ஆண்டு காலமாக அரசியல் களத்தில் நா.ன் ஆற்றி வருகின்ற மக்கள் பணிகளும், பொதுநலத் தொண்டுகளும் நீங்கள் அறிந்ததே. குறிப்பாக, தமிழகத்தின் சுகாதாரத் துறை அமைச்சராக நான் பொறுப்பு வகித்தபோது, உலகையே உலுக்கிய 'கோவிட்' பெருந்தொற்று காலகட்டத்தில் முழு அர்ப்பணிப்போடு மக்களுக்காக நான் ஆற்றிய பணிகளை நீங்கள் நன்கறிவீர்கள்.
தவெகவில் இணைப்பு விழா
நம் மண்ணுக்கும், மக்களின் நல்வாழ்வுக்குமான என் பொதுவாழ்வு பயணத்தை மேலும் அர்த்தமுள்ளதாக்கும் மாற்றத்தின் புதிய தொடக்கமாக, மக்களின் ஏகோபித்த ஆதரவைப் பெற்று, நல்லாட்சி புரிந்து வரும் தமிழக முதல்வர் விஜய் தலைமையிலான தமிழக வெற்றிக் கழகத்தில் என்னை இணைத்துக்கொண்டு என் அரசியல் பயணத்தை புதிய உத்வேகத்துடன் தொடர இருப்பதை உங்களுடன் பகிர்ந்து கொள்வதில் மகிழ்ச்சி அடைகிறேன். இதற்கான மாபெரும் இணைப்பு விழா இன்று காலை 9 மணி முதல், மகாபலிபுரத்தில் நடைபெற உள்ளது என்று கூறியுள்ளார்.
விஜயபாஸ்கருடன் மட்டுமே புதுக்கோட்டையில் இருந்து சுமார் 15,000 பேர் தவெகவில் இணையவுள்ளனர். இதற்காக புதுக்கோட்டையில் இருந்து 200 பஸ்கள், 500 கார்களில் விஜயபாஸ்கரின் ஆதரவாளர்கள் சென்னை வந்துள்ளனர். இதேபோல கரூர் முன்னாள் அமைச்சர் எம்.ஆர். விஜயபாஸ்கரும் தவெகவில் இணையிவுள்ளார். அவரும் தன்னுடைய ஆதரவாளர்களுடன் பிரம்மாண்டமாக தவெகவில் இணைய உள்ளார். அதிமுகவில் திருப்பூர் முன்னாள் அமைச்சர் எம்.எஸ்.எம் ஆனந்தன் 3 முன்னாள் அமைச்சர்கள் தவெகவில் இணையவுள்ளனர்.
காலியாகும் அதிமுக
மேலும் அதிமுகவின் 10 முன்னாள் எம்எல்ஏக்கள், 8 மாவட்ட செயலாளர்கள், 250 பொதுக்குழு உறுப்பினர்களும் தவெகவில் இணையவுள்ளனர். அவர்களுடன் சட்டமன்றம் மற்றும் நாடாளுமன்ற தேர்தலில் வேட்பாளர்களாக போட்டியிட்ட பலரும் தவெகவில் இணையவுள்ளனர். புதுக்கோட்டை, கரூர், திருச்சி மாவட்டங்களை சேர்ந்த அதிமுக நிர்வாகிகள் பலரும் தவெகவில் இணையவுள்ளனர்.
Click it and Unblock the Notifications
Sign in with Google