பெரம்பூரில் 70,000 ஓட்டு வித்தியாசத்தில் விஜய் வெற்றியா.. தவெக நிர்வாகி குபீர் போஸ்டர்

Updated: Saturday, April 25, 2026, 13:35 [IST]

Subscribe to Oneindia Tamil

சென்னை: தமிழ்நாடு சட்டமன்ற தேர்தல் வரலாற்று வாக்கு சதவீதத்துடன் முடிந்துள்ளது. வருகிற மே 4 ஆம் தேதி வாக்கு எண்ணிக்கை நடைபெறவுள்ளது. இந்த தேர்தலில் 4 முனை போட்டி நிலவுவதால் மிகுந்த எதிர்பார்ப்பு எழுந்துள்ளது. தவெகவினரின் உலகமே தனி. தவெக நிர்வாகி ஒருவர் பெரம்பூர் தொகுதியில் விஜய் 70,000 வாக்கு வித்தியாசத்தில் விஜய் வெற்றி பெற்றதாக கூறி நன்றி தெரிவித்து போஸ்டர் அடித்துள்ளார். அதில் குறிப்பிட்டுள்ள இன்னொரு விஷயம் தான் குபீர் ரகம்.

தமிழக சட்டமன்ற தேர்தல் நேற்று முன்தினம் நடைபெற்றது. இந்த தேர்தலில் 4 முனை போட்டி நிலவி வருகிறது. ஆட்சியை தக்க வைப்பதற்கு திமுக கூட்டணியும், ஆட்சியை பிடிப்பதற்கு அதிமுக கூட்டணியும் போராடியுள்ளனர். தவெக, நாம் தமிழர் கட்சிகளும் களத்தில் வேகம் காட்டினார்கள். இதனால் அரசியல் களத்தில் அனல் பறந்தது.

போஸ்டர் வைரல்

நடிகர் விஜய்யின் தவெகவுக்கு இது முதல் சட்டமன்ற தேர்தல். இந்த தேர்தலில் தவெக தாக்கத்தை ஏற்படுத்தும் என்று கூறப்படுகிறது. பெரம்பூர், திருச்சி கிழக்கு ஆகிய 2 தொகுதிகளில் விஜய் போட்டியிடுகிறார். இனி சினிமாவில் நடிக்க மாட்டேன் என்று விஜய் முழு நேர அரசியலில் ஈடுபடுவதாக அறிவித்து அசியலில் இறங்கியுள்ளார்.

தவெக களத்தில் தேர்தல் வேலைகளை பார்க்காவிடினும் சமூகவலைதளங்களில் பயங்கர ஆக்டிவாக இருக்கிறார்கள். தவெக உத்தேச அமைச்சரவை என்று ஒவ்வொரு துறைக்கும், யார் அமைச்சர் என்கிற வரை கற்பனை குதிரையில் இருக்கிறார்கள். விஜய் முதலமைச்சர் அரியணையில் அமர்வது போன்ற போட்டோவை சித்தரித்து சமூகவலைதளங்களில் பரப்பி வருகிறார்கள்.

கலாய்த்து

திருப்போரூர் தொகுதிக்குட்பட்ட மாம்பாக்கம் ஊராட்சி மன்ற தலைவராக இருந்தவர் வீரா. இவர் தவெகவில் இணைந்து செயல்பட்டு வருகிறது. இவர் ஒரு போஸ்டர் ஒட்டியுள்ளார். விஜய் பெரம்பூர் தொகுதியில் 70,000 வாக்குகள் வித்தியாசத்தில் வெற்றி பெற்றார். அதேபோல திருப்போரூர் தொகுதியில் போட்டியிட்ட தவெக வேட்பாளர் விஜயராஜ் 30,000 வாக்குகள் வித்தியாசத்தில் வெற்றி பெற்றுள்ளார்.

இவர்களுக்கு வாக்களித்த பொதுமக்களுக்கு நன்றி என்று போஸ்டர் அடித்துள்ளனர். இது சமூகவலைதளங்களில் வைரலாகி வருகிறது. இதன் பிறகு நடந்தது தான் செம ஹைலைட். விஜயை தமிழ்நாட்டின் முதலமைச்சராக்கி பெருவாரியான வாக்கு வித்தியாசத்தில் வெற்றி பெற வைத்த பொது மக்களுக்கு நன்றி கூறி போஸ்டர் அடித்துள்ளார். இதை திமுக, அதிமுக கட்சியினர் கலாய்த்து வருகிறார்கள்.