நீ பாதி.. நான் பாதி.. 50க்கு 50 சான்ஸ்.. சென்னையில் அடுத்த 7 நாள் வானிலை என்ன? தேதி வாரியாக முழுவிபரம்

சென்னை: சென்னையில் இன்று முதல் அடுத்த 7 நாட்களுக்கு வானிலை நிலவரம் எப்படி இருக்கும் என்ற தகவலை சென்னை மண்டல வானிலை ஆய்வு மையம் வெளியிட்டுள்ளது.

தமிழ்நாட்டில் கடந்த அக்டோபர் இறுதியில் வடகிழக்கு பருவமழை துவங்கியது. அதன்பிறகு ஏற்பட்ட குறைந்த காற்றழுத்தம், காற்றழுத்து தாழ்வு நிலை உள்ளிட்ட காலநிலை மாற்றத்தால் தமிழகத்தின் பல மாவட்டங்களுக்கு மழை கிடைத்தன.

அதன்பிறகு வங்கக்கடலில் உருவான மாண்டஸ் புயலால் வடமாவட்டங்கள் மழை பெற்றன. மேலும் சென்னை, செங்கல்பட்டு உள்ளிட்ட மாவட்டங்களும் அதிக மழையை பெற்றன. அதன்பிறகு படிப்படியாக மழை குறைந்துள்ளன.

இடி -மின்னலுடன் மழைக்கு வாய்ப்பு

இந்நிலையில் தான் கிழக்கு திசை காற்றின் வேக மாறுபாடு காரணமாக இன்று முதல் 18 ம் தேதி வரை தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் இன்று மதியம் தெரிவித்தது. அதன்பிறகு டிசம்பர் 19 ம் தேதி தமிழ்நாடு, புதுவை, காரைக்கால் பகுதிகளில் ஒருசில இடங்களில் இடி மின்னலுடன் லேசானது முதல் மிதமான மழை பெய்யும் எனவும் கணித்து இருந்தது.

குறைந்தபட்ச வெப்பநிலை எவ்வளவு?

மேலும் அடுத்த 48 மணிநேரத்தை பொருத்தமட்டில் சென்னை மற்றும் அதன் புறநகர் பகுதகிளில் வானம் ஓரளவு மேமகூட்டத்துடன் காணப்படும். அதிகபட்ச வெப்பநிலை 30 முதல் 31 டிகிரி செல்சியஸாகவும், குறைந்தபட்ச வெப்பநிலை என்பது 23 முதல் 24 டிகிரி செல்சியஸாகவும் இருக்கும் என வானிலை மையம் தெரிவித்துள்ளது.

சென்னையில் அடுத்த 7 நாள் எப்படி?

இதன் தொடர்ச்சியாக தான் சென்னை மண்டல வானிலை ஆய்வு மையம் சார்பில் புதிய தகவல் வெளியிடப்பட்டுள்ளது. அதன்படி இன்று முதல் சென்னையில் ஒருவாரம் நிலவும் வானிலையை கணித்து அந்த மையம் தெரிவித்துள்ளது. அதன்படி இன்றும், நாளையும் சென்னையில் வானம் ஓரளவு மேகமூட்டத்துடன் தான் இருக்கும் என கூறப்பட்டுள்ளது.

டிசம்பர் 17 முதல் 21ம் தேதி வரை

இதையடுத்து டிசம்பர் 17 ம் தேதியான சனிக்கிழமை முதல் டிசம்பர் 19ம் தேதி வரையிலான திங்கட்கிழமை வரை வானம் ஓரளவு மேகமூட்டத்துடன் இருப்பதோடு லேசானது முதல் மிதமான மழை பெய்ய வாய்ப்புள்ளது. அதன்பிறகு டிசம்பர் 20ம் தேதியான செவ்வாய்க்கிழமை, டிசம்பர் 21ம் தேதியான புதன் கிழமை ஆகிய 2 நாட்கள் பொதுவாக வானம் மேகமூட்டத்துடன் இருப்பதோடு, மிதமான மழை பெய்யலாம் என சென்னை மண்டல வானிலை ஆய்வு மையம் தெரிவித்துள்ளது.

English summary

The Zonal Meteorological Center has released the Chennai weather forecast for the next 7 days from today. Accordingly, the sky will be partly cloudy in Chennai today and tomorrow. From December 17 to December 19, the sky will be partly cloudy with light to moderate rain and on December 20 and 21, the sky will be cloudy with moderate rain, according to the Chennai Regional Meteorological Department.