உடம்புல ஒட்டுத் துணி கூட இல்லை.. முழு நிர்வாணம்.. வீடுகளில் திருட கிளம்பிய வினோத பேர்வழி!

நிர்வாண கோலத்துடன் திருடனின் சிசிடிவி காட்சி பதிவாகி உள்ளது

கடலூர்: ச்சீ...ச்சீ.. ச்சீ.. உடம்புல ஒட்டுத் துணி கூட இல்லை.. முழுசா நிர்வாணமாக வீடுகளில் திருட கிளம்பிவிட்டார் ஒரு வினோத பேர்வழி!

விருத்தாசலம் வி‌என்ஆர் நகரில் உள்ள ஜமால் பாஷா தெரு உள்ளது. இந்த தெருவில் வீடுகளில் உள்ள பொருட்கள் திடீர் திடீர் என மாயமானது. குறிப்பாக ஜன்னல் ஓரம் ஒரு பொருள் வைத்தால், அதுதான் காணாமல் போய் கொண்டிருந்தது. இதனால் ஜமால் பாஷா தெருவாசிகள் குழப்பம் ஆனார்கள்.

பெரும்பாலும் இந்த தெருவாசிகளுக்கு தங்கள் வீட்டு ஜன்னல் அருகேதான் ஷெல்ப்கள் இருக்கின்றன. அதனால் அங்குதான் செல்போன், வாட்ச், என முக்கிய பொருட்களை வைக்க முடியும். அப்படி வைத்த பொருட்கள்தான் மாயமாகி கொண்டே இருந்தன.

சிசிடிவி காட்சி

இந்த சமயத்தில், நேற்று விடிகாலை அதே தெருவில் உள்ள ரம்ஜான் அலி என்பவர் வீட்டில் சத்தம் கேட்டது. தூங்கி கொண்டிருந்த எல்லாரும் அடித்து பிடித்து எழுந்தார்கள். அப்போதுதான் யாரோ தன் வீட்டில் திருட வந்ததுபோல தெரிந்தது. அதனால் வீட்டு முன்னாடி பொருத்தப்பட்டிருந்த சிசிடிவி கேமிராவை ஆராய்ந்தார்.

பெரிய பைப்

அதை பார்த்த ரம்ஜான் அலி மட்டுமல்ல.. ஜமால் பாஷா தெருவாசிகளே தெறித்துகொண்டு ஓடினார்கள். உடம்பில் ஒட்டுத் துணி கூட‌ இல்லாமல், ஒருவர் அந்த தெருவுக்குள் வந்து கொண்டிருக்கிறார். அவரது கையில் ஒரு பிளாஸ்டிக் பைப் இருக்கிறது. ரம்ஜான் அலி வீட்டில் வந்து பொருட்களை அபேஸ் செய்ய முயல்வதும் தெரிகிறது. இதன்பிறகு தூங்கி கொண்டிருப்பவர்கள் விழிக்கும் சத்தம் கேட்டதும், சுவர் ஏறி குதித்து தப்பி ஓடுகிறார். இந்த காட்சிதான் அந்த வீடியோவில் பதிவாகி இருந்தது.

நிர்வாண கோலம்

அது மட்டுமல்ல.. அந்த பைப்பை ஒவ்வொரு வீட்டு ஜன்னல் வழியாக உள்ளே விட்டு பொருட்களை அலேக்காக தூக்கி கொண்டு போனது இவர்தான் என்பதும் தெரியவந்துள்ளது. வீடுகளின் ஜன்னல் கதவுகள் வழியாக எட்டி பார்ப்பது.. பக்கவாட்டில் இருக்கும் படிக்கட்டில் ஏறுவது.. அங்குமிங்கும் நோட்டம் போட்டுக் கொண்டு நிர்வாண கோலத்துடனேயே தெருவுக்குள் அலைவதுமாக இருக்கிறார்.

நியூட் திருடன்

ஆனால் இந்த விசித்திர திருடன் யார் என்றே தெரியவில்லை. எதற்காக நிர்வாண கோலத்தில் வந்து திருட வேண்டும் என்றும் தெரியவில்லை. போலீசார் விசாரணை மேற்கொண்டு வந்தாலும், இந்த புதுமையான நியூ & நியூட் திருடனை நினைத்து ஜமால் பாஷா தெரு மக்கள் அச்சத்தில் உறைந்துள்ளனர்.

English summary

a thief entering houses naked in the night time near virudhachalam and police investigation is going on this cctv footage