வயதாகிறது என்று எப்போது அறிந்துகொள்ள முடிகிறது தெரியுமா? மத்திய அமைச்சர் ஸ்மிரிதி ராணி இன்ஸ்டா பதிவு

Updated: Tuesday, December 27, 2022, 15:53 [IST]

Subscribe to Oneindia Tamil

டெல்லி: மத்திய அமைச்சர் ஸ்மிரிதி இரானி தனது இன்ஸ்டாகிராம் பக்கத்தில், டிபார்மண்ட் ஸ்டோர் ஒன்றில் முகக்கவசம் அணிந்த படி ஷாப்பிங் செய்யும் புகைப்படத்தை பதிவிட்டுள்ளார். இந்த பதிவோடு கேப்ஷனில், 'விடுமுறை நாட்களில் பொழுதை போக்குவதை விட கடைகளில் பொருட்களை வாங்கும் பணியில் ஈடுபடும் போது உங்களுக்கு வயதாகிவிட்டது என்பதை நீங்கள் உணரத் தொடங்குகிறீர்கள்' என்று பதிவிட்டுள்ளார்.

மத்திய அமைச்சர் ஸ்மிரிதி இரானி இன்ஸ்டாகிரம் உள்ளிட்ட சமூக வலைத்தளங்களில் படு ஆக்டிவாக இருக்கக் கூடியவர்.

தனது குடும்பத்தினருடன் நேரத்தை செலவிடுவது..தனது வாழ்க்கையில் நடக்கும் நிகழ்வுகள் என அவ்வப்போது தனது இன்ஸ்டாகிரம் பக்கத்தில் பதிவிட்டு வருவதை ஸ்மிரி இரானி வாடிக்கையாக கொண்டுள்ளார்.

ஸ்மிரிதி இரானி இன்ஸ்டா பதிவு

ஸ்மிரிதி இரானியை இன்ஸ்டாகிராமில் சுமார் 1.2 மில்லியன் பேர் பின்பற்றுகிறார்கள். அரசியல் பதிவுகளை தாண்டி தனது சொந்த வாழ்க்கை குறித்தும் ஸ்மிரிதி இரானி பதிவிடும் பதிவுகள் இணையத்தில் நெட்டிசன்கள் மத்தியில் அதிகம் விவாதிக்கப்படுகிறது. அந்த வகையில், ஸ்மிரிதி ரானி தனது இன்ஸ்டாகிராம் பக்கத்தில் உங்களுக்கு வயதாகிறது என்பதை நீங்கள் உணரத்தொடங்குவது எப்போது தெரியுமா.. என்று கேப்ஷனுடன் தனது இன்ஸ்டாகிராமில் பதிவு ஒன்றை வெளியிட்டுள்ளார்.

பணியில் ஈடுபடும் போது

டிபார்மண்ட் ஸ்டோர் ஒன்றில் முகக்கவசம் அணிந்த படி நிற்கும் மத்திய அமைச்சர் ஸ்மிரிதி இரானி ஷாப்பிங் செய்வது போல தெரிகிறது. அப்போது எடுக்கப்பட்ட புகைப்படத்தை பகிர்ந்து இருக்கும் ஸ்மிரிதி இரானி, விடுமுறை நாட்களில் பொழுதை போக்குவதை விட கடைகளில் பொருட்களை வாங்கும் பணியில் ஈடுபடும் போது உங்களுக்கு வயதாகிவிட்டது என்பதை நீங்கள் அறியத் தொடங்குகிறீர்கள்" என்று பதிவிட்டுள்ளார். மனைவியின் வாழ்க்கை என்ற பொருளில் லைப் ஆஃப் வைப் என்ற ஹேஷ்டேக்குடன் இந்த பதிவை ஸ்மிரிதி இரானி பதிவிட்டுள்ளர்

நெட்டிசன்கள் கருத்து

ஸ்மிரிதி இரானியின் இந்த பதிவு வெளியிட்ட சில மணி நேரங்களில் ஆயிரக்கணக்கான லைக்குகள் பெற்றுள்ளது. "அரசியல்வாதிகள் இதுபோன்ற பதிவுகளை போடுவது சிறப்பானதாக உள்ளது. இந்திய அரசியல்வாதிகள் இது அதிகம் இல்லை" என்று நெட்டிசன் ஒருவர் பதிவிட்டுள்ளார். அதேபோல், இந்த வாடிக்கையாளர் இந்தியாவின் மிகவும் பிரபலமான அரசியல்வாதி என்பதை இந்த கடைக்காரார் அறிவாரா? என்று மற்றொரு நெட்டிசன் பதிவிட்டுள்ளார்.

தொலைக்காட்சி நடிகை

மத்திய அமைச்சர் ஸ்மிருதி இரானி அரசியலில் கால் பதிப்பதற்கு முன்பாக தொலைக்காட்சி நடிகையாக நாடு முழுவதும் பிரபலம் அடைந்தவர் ஆவார். பின்னர் பாஜகவில் இணைந்த ஸ்மிரிதி இரானி கடந்த மக்களவை தேர்தலில் அமேதி தொகுதியில் ராகுல் காந்தியை தோற்கடித்து நாடு முழுவதும் கவனம் பெற்றார். பிரதமர் மோடி தலைமையிலான அமைச்சரவையில் மகளிர் மற்றும் குழந்தைகள் நல அமைச்சராக பதவி வகித்து வருகிறர். பிரதமர் மோடியின் முந்தைய அமைச்சரவையில் மனித வள மேம்பாடு ஜவுளித்துறை அமைச்சராக பதவி வகித்தார்.