Rich CM Vijay: நாட்டின் பணக்கார முதல்வர்கள் பட்டியல்! தமிழக முதல்வர் விஜய்க்கு எத்தனையாவது இடம்?
டெல்லி: நாட்டின் பணக்கார முதல்வர்கள் பட்டியலில் தென்னிந்திய மாநிலங்களே அதிக ஆதிக்கம் செலுத்தி வருகின்றன. இதில் தமிழக முதல்வர் விஜய் எத்தனையாவது இடத்தில் உள்ளார் என்பதை பார்க்கலாம்.
தேர்தல் சீர்திருத்த அமைப்பான 'ஜனநாயக சீர்திருத்தங்களுக்கான சங்கம்' (ADR) சமீபத்தில் வெளியிட்ட பணக்கார முதல்வர்கள் பட்டியலில் தென்னிந்திய முதல்வர்களே முன்னணியில் நிற்கின்றனர்.
முதல் பத்து இடங்களில் ஐந்து தென்னிந்திய முதல்வர்கள் இடம்பிடித்திருப்பது குறிப்பிடத்தக்கது.
கர்நாடகம் - முதலிடம்
கர்நாடக முதல்வர் டி.கே. சிவகுமார் ₹1,413 கோடி சொத்து மதிப்புடன் பட்டியலில் தலைமை வகிக்கிறார். இவரது சொத்துகளில் 80 சதவீதத்திற்கும் அதிகமானவை அவரது மூதாதையர்களிடமிருந்து வந்தவை. டெல்லி, பெங்களூர், மைசூர், கனகபுரா ஆகிய நகரங்களில் வணிக வளாகங்களும் குடியிருப்புகளும் இவர் பெயரில் உள்ளன. கல்வி அறக்கட்டளைகள், சுரங்கத் தொழில், பரஸ்பர நிதிகள், வங்கி வைப்புகள் என பல்வகையிலும் முதலீடு செய்துள்ள இவருக்கு ₹265 கோடி கடனும் உள்ளது.
ஆந்திரம் - இரண்டாம் இடம்
சிவகுமார் முதல்வராக பதவியேற்பதற்கு முன்பு வரை பணக்கார முதல்வர்கள் பட்டியலில் முதலிடம் வகித்தவர் ஆந்திர முதல்வர் சந்திரபாபு நாயுடு. தற்போது ₹931 கோடி சொத்து மதிப்புடன் இரண்டாம் இடத்தில் உள்ளார். இவரது சொத்துகளில் 87 சதவீதம் அசையும் சொத்துகளே - குடும்ப நிறுவன முதலீடுகளும் பங்குச் சந்தை முதலீடுகளும் இதில் பெரும்பகுதி வகிக்கின்றன.
தமிழகம் - மூன்றாம் இடம்
தமிழக முதல்வர் விஜய் ₹648 கோடி சொத்து மதிப்புடன் மூன்றாம் இடத்தில் உள்ளார். இவரது தேர்தல் பத்திரத்தின்படி, சேமிப்பில் ₹213 கோடியும், நிலையான வைப்பு நிதியாக ₹100 கோடிக்கும் மேலும் வைத்துள்ளார். மற்ற முதல்வர்களிடமிருந்து இவரை வேறுபடுத்துவது ஒன்று உண்டு - பங்குச் சந்தையில் இவரது முதலீடு மிகவும் குறைவு.
இவர்களுடன், கர்நாடக முன்னாள் முதல்வர் சித்தராமையா, புதுச்சேரி முதல்வர் ரங்கசாமி, தெலுங்கானா முதல்வர் ரேவந்த் ரெட்டி ஆகியோரும் இப்பட்டியலில் இடம்பெற்றுள்ளனர்.
Click it and Unblock the Notifications
Sign in with Google