தாண்டியா ஆட்டமும் ஆட.. பாஜக கூட்டமும் கூட! களைகட்டிய செயற்குழு! நம்ம குஷ்புதான்.. என்னமா ஆடுறாங்க!
ஹைதராபாத் : தெலுங்கானா மாநிலம் ஹைதராபாத்தில் பாரதிய ஜனதா கட்சியின் தேசிய செயற்குழுக்கூட்டம் இன்று தொடங்கியுள்ள நிலையில், அதில் கலந்து கொண்டுள்ள நடிகையும் பாஜக தேசிய செயற்குழு உறுப்பினருமான குஷ்பு உற்சாகமாக நடனமாடிய வீடியோ வேகமாகப் பரவி வருகிறது.
Recommended Video
இந்த ஆண்டு இறுதியில் குஜராத், இமாச்சலப் பிரதேசம் ஆகிய மாநிலங்களிலும், அடுத்த ஆண்டில் கர்நாடகா, தெலங்கானா ஆகிய மாநிலங்களில் சட்டசபைத் தேர்தல் நடைபெற உள்ளது.
இம்மாநில தேர்தலுக்கான வியூகத்தை வகுப்பது ,முதல்வர் வேட்பாளர், வேட்பாளர் தேர்வு உள்ளிட்ட பல்வேறு நடவடிக்கைகள் குறித்து விவாதிப்பதற்காகவும், தேசிய அளவில் பாஜகவுக்கு எதிராக கூடிய கூட்டணி யூகங்களை உடைப்பது தொடர்பாக இதில் விவாதிக்கப்பதற்காக பாஜக செயற்குழு கூடியுள்ளது
பாஜக செயற்குழு
தெலுங்கானா மாநிலம் ஹைதராபாத்தில் பாஜக தேசிய செயற்குழுவின் இரண்டுநாள் கூட்டம் இன்று தொடங்கியுள்ள நிலையில், இதில், பிரதமர் மோடி, கட்சித் தலைவர் நட்டா, மத்திய அமைச்சர்கள், பாஜக ஆளும் மாநில முதலமைச்சர்கள், செயற்குழு உறுப்பினர்கள் உள்ளிட்ட 340 பேர் பங்கேற்றுள்ளனர்.
தீவிர ஆலோசனை
தென்மாநிலங்களில் கட்சியை வலுப்படுத்துவது குறித்தும், மத்திய அரசின் திட்டங்கள் குறித்தும் இக்கூட்டத்தில் விரிவாக விவாதிக்கப்பட உள்ளதாகக் கூறப்படுகிறது. செகந்திரபாதில் பிரதமர் மோடியின் பிரம்மாண்டமான பொதுக் கூட்டத்துடன் பாஜக தேசிய செயற்குழுக் கூட்டம் நாளை நிறைவு பெறும். மிஷன் சவுத் என்ற பெயரில் தென் மாநிலங்களில் கட்சியை வலுப்படுத்தும் நடவடிக்கையில் பாஜக ஈடுபட்டுள்ளது.
தீவிர ஏற்பாடுகள்
இந்த கூட்டத்திற்கான ஏற்பாடுகள் கடந்த சில நாட்களாகவே தொடங்கி நடைபெற்று வரும் நிலையில், பல்வேறு மாநிலங்களில் இருந்தும் நடன கலைஞர்கள், இசை கலைஞர்கள் ஹைதராபாத்தில் குவிக்கப்பட்டுள்ளன. இதனால் செயற்குழு கூட்டம் நடைபெறும் பகுதி முழுவதும் களைகட்டியுள்ளது. இந்நிலையில் பாஜக தேசிய செயற்குழு உறுப்பினரும் நடிகையுமான குஷ்பூ நடனமாடிய வீடியோ சமூக வலைதளங்களில் வேகமாக பரவி வருகிறது.
குஷ்பு நடனம்
முன்னதாக ஹைதராபாத் செயற்குழு கூட்டம் நடைபெறும் இடத்துக்கு வந்த அவரை பாஜகவினர் உற்சாகமாக வரவேற்றனர். தொடர்ந்து நிகழ்ச்சி நடைபெறும் அரங்கின் முன் நடனமாடிக் கொண்டிருந்த தாண்டியா கலைஞர்கள் குஷ்பூவை தங்களுடன் ஆடுமாறு அழைப்பு விடுத்தனர். இதையடுத்து குஷ்பூ நடனமாடிய வீடியோ தற்போது சமூக வலைதளங்களில் வேகமாக பகிரப்பட்டு வருகிறது.
Click it and Unblock the Notifications
Sign in with Google