எனக்கு சீட் இல்லையா? 'அம்பேத்கர்' சிலை முன் "தொப்பென" விழுந்து புரண்டு கதறி அழுத மாஜி துணை முதல்வர்!

ஹைதராபாத்: தெலுங்கானா சட்டசபை தேர்தலில் போட்டியிட தமக்கு சீட் மறுக்கப்பட்டதால் தெலுங்கானா முன்னாள் முதல்வர் தட்டிகொண்டா ராஜையா தரையில் மண்டியிட்டு கதறி அழுத வீடியோ பதிவு சமூக வலைதளங்களில் பகிரப்பட்டு வருகிறது.

தெலுங்கானா மாநில சட்டசபை தேர்தல் நவம்பர் இறுதியில் அல்லது டிசம்பர் முதல் வாரத்தில் நடைபெற உள்ளது. தெலுங்கானாவில் ஆளும் பிஆர்எஸ் கட்சி, காங்கிரஸ், பாஜக, தெலுங்குதேசம், ஓவைசியின் மஜ்ஸ்லிஸ் கட்சி உள்ளிட்டவை களத்தில் உள்ளன.

தெலுங்கானா சட்டசபை தேர்தல் பணிகளில் அனைத்து கட்சிகளும் தீவிரமாக ஈடுபட்டுள்ளன. தெலுங்கானாவின் ஆளும் பிஆர்எஸ் கட்சி மொத்தம் உள்ள 119 தொகுதிகளில் 115 இடங்களுக்கான முதல் கட்ட வேட்பாளர் பட்டியலை வெளியிட்டது. சிட்டிங் எம்.எல்.ஏக்கள் 7 பேருக்கு மட்டும் மீண்டும் போட்டியிட வாய்ப்பு கிடைக்கவில்லை. இந்த பட்டியலில் 7 பெண்கள் இடம் பெற்றிருந்தனர்.

பிஆர்எஸ் கட்சியில் சீட் கிடைக்காத எம்.எல்.ஏ.க்கள் இப்போதே காங்கிரஸ் கட்சி அலுவலகம் சென்று சீட் கேட்டு மனு கொடுத்து வருகின்றனர். பிஆர்எஸ் கட்சியில் சீட் மறுக்கப்ப்ட்டவர்களில் முன்னாள் துணை முதல்வர் தட்டிகொண்டா ராஜையாவும் ஒருவர். இவர் மீது பல்வேறு புகார்கள் வரிசை கட்டி வந்ததால் மீண்டும் தேர்தலில் போட்டியிட வாய்ப்பு மறுக்கப்பட்டுள்ளது.

காங்கிரஸ் கட்சியில் இருந்து விலகி முதல்வர் சந்திரசேகராவ் தலைமையை ஏற்று பிஆர்எஸ் கட்சியில் இணைந்து 2 முறை எம்.எல்.ஏ.வாக இருந்தார். ஒரு முறை துணை முதல்வராகவும் பதவி வகித்தார். இந்நிலையில் தற்போது அவருக்கு மீண்டும் தேர்தலில் போட்டியிட வாய்ப்பு மறுக்கப்பட்டுள்ளது.

இதனிடையே சீட் மறுக்கப்பட்ட நிலையில் தமது தொகுதியான ஸ்டேஷன் கான்பூருக்கு நிகழ்ச்சிகளில் பங்கேற்க வருகை தந்தார் தட்டிகொண்டா ராஜைய்யா. அப்போது திடீரென அம்பேத்கர் சிலை முன்பாக நெடுஞ்சாண் கிடையாக விழுந்து தரையில் புரண்டு பின்னர் மண்டியிட்டு கண்ணீர் விட்டு தமக்கு சீட் கிடைக்காமல் போய்விட்டதே என அழுது புலம்பினார் தட்டிகொண்ட ராஜைய்யா. இந்த வீடியோ சமூக வலைதளங்களில் அதிகம் பகிரப்பட்டு வருகிறது.

#WATCH | Jangaon, Telangana: Bharat Rashtra Samithi (BRS) leader Thatikonda Rajaiah, broke down reportedly after being denied a ticket from Station Ghanpur constituency for the upcoming Assembly elections. (22.08)

(Viral video) pic.twitter.com/4KXtqG15LT

— ANI (@ANI) August 23, 2023

English summary

Telangana Bharat Rashtra Samithi (BRS) leader Thatikonda Rajaiah, broke down reportedly after being denied a ticket from Station Ghanpur constituency.