லக்னோவில் ராஜ்நாத் சிங்கை எதிர்த்து காமெடி நடிகரை நிறுத்திய ஆம் ஆத்மி
டெல்லி: லக்னோவில் பாஜக தலைவர் ராஜ்நாத் சிங்கை எதிர்த்து ஆம் ஆத்மி கட்சி சார்பில் பாலிவுட் நகைச்சுவை நடிகர் ஜாவித் ஜாப்ரி நிறுத்தப்பட்டுள்ளார்.
வரும் நாடாளுமன்ற தேர்தலில் ஆம் ஆத்மி கட்சி நாட்டின் முக்கிய தலைவர்களை எதிர்த்து வேட்பாளர்களை நிறுத்தி வருகிறது. இந்நிலையில் உத்தர பிரதேச மாநிலம் லக்னோவில் பாஜக தலைவர் ராஜ்நாத் சிங்கை எதிர்த்து பாலிவுட் நகைச்சுவை நடிகர் ஜாவித் ஜாப்ரியை ஆம் ஆத்மி கட்சி களம் இறக்கியுள்ளது.
முஸ்லிம் மக்கள் அதிகம் உள்ள லக்னோவில் போட்டியிடும் ஒரே முஸ்லிம் வேட்பாளர் ஜாப்ரி தான். ராஜ்நாத் சிங்கிற்கு எதிராக காங்கிரஸ், சமாஜ்வாடி மற்றும் பகுஜன் சமாஜ் ஆகிய கட்சிகள் முஸ்லிம் வேட்பாளரை நிறுத்தாதது ஆச்சரியம் அளிக்கிறது.
இந்நிலையில் ஆம் ஆத்மியின் கணக்கு தப்பாகத் தான் போகும் என்று கூறப்படுகிறது. ஜாப்ரி லக்னோ பக்கமே சென்றது இல்லை. ஷியா முஸ்லிமான அவருக்கு லக்னோவில் வாக்குகள் கிடைக்காது என்று கூறப்படுகிறது. காரணம் லக்னோவில் சன்னி முஸ்லிம்கள் தான் அதிகம். மேலும் லக்னோவில் உள்ள ஷியா முஸ்லீம்களும் பாஜகவுக்கு ஆதரவாக உள்ளதால் ஜாப்ரியின் பாடு திண்டாட்டம் தான்.
அவர் நடிகர் என்பதால் சிலர் அவருக்கு வாக்களிக்கலாம் என்று கூறப்படுகிறது.
Click it and Unblock the Notifications
Sign in with Google