"பெண்மை போற்றுவோம்”- முற்றிலும் பெண் ஊழியர்களுடன் இயக்கப்பட்ட ஏர் இந்தியா விமானங்கள்
டெல்லி : இன்று சர்வதேச மகளிர் தினத்தை கொண்டாடப்படுவதை முன்னிட்டு டெல்லியில் இருந்து அமெரிக்காவின் சான்பிரான்சிஸ்கோ நகருக்கு விமானி உட்பட முற்றிலும் பெண் ஊழியர்களை கொண்ட ஏர் இந்தியா விமானம் நேற்று முன் தினம் புறப்பட்டது.
முற்றிலும் பெண் ஊழியர்களை கொண்ட விமான சேவையில் இதுவே மிக நீண்ட தூர பயணமாகும்.
மும்பை - சான்பிரான்சிஸ்கோ இடையிலான பயண நேரம் 15 மணி நேரத்துக்கும் அதிகமாகும் என்பது குறிப்பிடத்தக்கது.
எல்லோருமே பெண்கள்:
வரலாற்று சிறப்பு மிக்க டெல்லி சான்பிரான்சிஸ்கோ விமானத்தில் 4 விமானிகளும், பணிப்பெண்கள் உள்ளிட்ட 14 ஊழியர்களும் உள்ளனர். இவர்கள் அனைவரும் பெண்கள். இந்த விமானம் இன்று மீண்டும் டெல்லி திரும்ப உள்ளது.
பெண்களுக்கான அடையாளம்:
இதுகுறித்து ஏர் இந்தியா தலைவர் மற்றும் நிர்வாக இயக்குநர் அஷ்வனி லொஹானி, "சான்பிரான்சிஸ்கோ செல்லும் விமானம், பெண்கள் அதிகாரம் பெறச் செய்துள்ளதற்கு ஓர் அடையாளமாக இருக்கும்.
வரலாற்றுச் சிறப்பு பயணம்:
முற்றிலும் பெண் ஊழியர்களை கொண்ட விமான சேவையில் இதுவே மிக நீண்டதூர சேவை என்பதால் இது வரலாற்று சிறப்பு மிகுந்த பயணமாக இருக்கும்" என்றார்.
தமிழகத்திலும் கூட:
தமிழகத்தில் இருந்தும் பெண்களே இயக்கிய ஏர் இந்தியாவின் 2 விமானங்கள் இன்று காலை சென்னையிலிருந்து டெல்லிக்கு புறப்பட்டு சென்றன. அதே போன்று பெண்களே இயக்கும் சென்னையிலிருந்து மும்பை செல்லும் விமானம் காலை 8.45 மணிக்கு புறப்பட்டது.
சுதர்சனின் மணல் சிற்பம்:
இந்நிலையில் இதற்கு வாழ்த்து தெரிவிக்கும் வகையில் ஒடிசாவை சேர்ந்த மணல் சிற்ப கலைஞர் சுதர்சன் பட்நாயக் பூரி கடற்கரையில் மணற்சிற்பம் ஒன்றை வரைந்துள்ளார். இதனை பூரி கடற்கரைக்கு வரும் அனைவரும் ஆர்வமுடன் பார்த்து செல்கின்றனர்.
Click it and Unblock the Notifications
Sign in with Google