குஜராத்தில் விமானப் படை விமானம் விழுந்து நொறுங்கியது! விமானி உயிர் தப்பினார்!!

By Mathi

Updated: Friday, August 1, 2014, 15:11 [IST]

Subscribe to Oneindia Tamil

கட்ச்: குஜராத் மாநிலத்தில் நாட்டின் விமானப் படைக்கு சொந்தமான ஜாக்குவார் ரக விமானம் கீழே விழுந்து நொறுங்கி விபத்துக்குள்ளானது. விமானத்தில் இருந்த விமானி காயங்களுடன் உயிர் தப்பினார்.

குஜராத்தின் பூஜ் விமானப் படை தளத்தில் இருந்து புறப்பட்ட போர் விமானம் நக்த்ரனா பகுதியில் பிபார் என்ற கிராமத்தில் இன்று பகலில் விமானியின் கட்டுப்பாட்டை இழந்து கீழே விழுந்து நொறுங்கியது.

அப்போது விமானத்தில் இருந்த விமானி பாராசூட் உதவியுடன் அவசர கதவு வழியாக கீழே குதித்து உயிர் தப்பினார். இயந்திரக் கோளாறு காரணமாகவே இந்த விபத்து நிகழ்ந்ததாக கூறப்படுகிறது.

இது பற்றி அப்பகுதி போலீசார் சம்பவ இடத்துக்கு நேரில் சென்று விசாரணை நடத்தினர். விமானப் படை உயரதிகாரிகளுடம் சம்பவ இடத்தில் ஆய்வு மேற்கொண்டனர்.