வாஜ்பாய் உடல்நிலை கவலைக்கிடம்!

டெல்லி: முன்னாள் பிரதமர் வாஜ்பாய் உடல்நிலை கவலைக்கிடமாக உள்ளதாக எய்மஸ் மருத்துவமனை அறிவித்துள்ளது.

93 வயதாகும், முன்னாள் பிரதமர் வாஜ்பாய் கடந்த பல ஆண்டுகளாக உடல்நலக்குறைவால் பாதிக்கப்பட்டு தீவிர அரசியலில் இருந்து ஓய்வில் இருந்தார்.

உடல்நிலை பாதிப்பு அதிகரித்ததால், ஜூலை, 11ம் தேதி, டெல்லி எய்ம்ஸ் மருத்துவமனையில் வாஜ்பாய், சிகிச்சைக்காக, சேர்க்கப்பட்டார். இதனிடையே, வாஜ்பாய் உடல்நிலை கவலைக்கிடமாக உள்ளதாகவும், உயிர்காக்கும் உபகரணங்கள் உதவியுடன் வாஜ்பாய்க்கு சிகிச்சையளிக்கப்பட்டு வருவதாகவும், எய்ம்ஸ் மருத்துவமனை நேற்று வெளியிட்ட செய்திக்குறிப்பில் தெரிவிக்கப்பட்டது.

இதையடுத்து, வாஜ்பாயின் உடல்நிலை குறித்து எய்ம்ஸ் மருத்துவமனை டாக்டர்களிடம், பிரதமர் மோடி நேரில் விசாரித்தார். சுமார் 50 நிமிடங்கள் அவர் மருத்துவமனையில் இருந்தார். துணை குடியரசு தலைவர் வெங்கையா நாயுடுவும் வாஜ்பாய் உடல் நலம் குறித்து விசாரித்தார்.

மத்திய அமைச்சர் ஸ்மிருதி இராணியும், வாஜ்பாய் உடல் நலம் விசாரித்தார்.

English summary

Former PM Atal Bihari Vajpayee's health has worsened over last 24 hours and is critical, an official statement by AIIMS said on Wednesday. AIIMS in a medical bulletin said, "unfortunately, his condition has worsened over the last 24 hours. His condition is critical, and he is on life support system." Scores of leaders including Prime Minister, Narendra Modi visited him at hospital.