சேத்தன் பகத்தின் “2 ஸ்டேட்ஸ்” ஏப்ரலில் ரிலீஸ்.....
மும்பை: உங்களில் எத்தனை பேருக்கு சேத்தன் பகத்தை தெரியாது என்று கேட்பதை விட உங்களில் எத்தனையோ பேருக்கு அவரை தெரியும் என்று கூறுவதுதான் சரியாக இருக்கும்.
அந்த அளவிற்கு இளைஞர்களை கவர்ந்த பல நாவல்களை எழுதிய புது யுக நாவலாசிரியர்தான் சேத்தன்.
அவருடைய மிக மிக பிரபலமான, விற்பனையில் சாதனை படைத்த நாவலான "2 ஸ்டேட்ஸ்" தான் தற்போது படமாக்கப் பட்டு ஏப்ரலில் வெளியாக உள்ளது.
அய்யராத்து பொண்ணு, பஞ்சாபி பையன்:
அக்மார்க் பஞ்சாபி பையனான க்ரிஷ்க்கும், டிபிக்கல் தமிழ்நாட்டு அய்யராத்து பொண்ணான அனன்யாவிற்கும் ஐ.ஐ.எம் மில் காதல் மலர்கிறது.
வாங்க பழகலாம்:
பையனும்,பொண்ணும் காதலில் விழுவது சகஜம். ஆனால், இந்திய கலாச்சாரத்தை பொறுத்த வரை இரண்டு பேரின் குடும்பத்திற்கு இடையிலேயும் காதல் மலர வேண்டும் என்பதுதான் மறுக்கப்பட முடியாத உண்மை.
இது டிபரண்ட் காதல் கதை:
இதைதான் சுவையாக விவரித்து இருந்தது அனன்யா-க்ரிஷ் காதல் கதையான சேத்தனின் "2 ஸ்டேட்ஸ்" நாவல்.
கொள்ளை கொண்ட நாவல் படமானதே:
தற்போது பல்லாயிர கணக்கான இளைஞர்களின் மனதை கொள்ளை கொண்ட இந்த காதல் கதைதான் அர்ஜூன் கபூர் மற்றும் ஆலியா பட் நடிப்பில் அனைவரது எதிர்ப்பார்ப்பையும் அதன் வெளியீட்டு நாளின் மீது திருப்பியுள்ளது.
காதல் மொழி,மதம் அறியாது:
இந்தியாவின் இரண்டு வெவ்வேறு மாநிலங்களை சேர்ந்த கலாச்சாரத்திலும்,உணவுப்பழக்கங்களிலும்,நடைமுறைகளிலும் வெவ்வேறான இரண்டு குடும்பங்களில் இவர்களின் காதல் புகுந்து அவர்களை எப்படி ஒன்றாக்குகிறது என்பதை ஏப்ரல் 18 அன்று தியேட்டர்களில் சென்று பார்த்து தெரிந்து கொள்ளுங்கள்.
Click it and Unblock the Notifications
Sign in with Google