என் மனைவியிடம் பாஜகவினர் யாரும் பேசவில்லை.. எம்எல்ஏ மறுப்பால் தர்மசங்கடத்தில் கர்நாடக காங்கிரஸ்!
பாஜக குதிரை பேர ஆடியோ போலியானது என கர்நாடக காங்கிரஸ் எம்எல்ஏ தெரிவித்திருப்பது பரபரப்பை ஏற்படுத்தியுள்ளது.
பெங்களூரு: பாஜக குதிரை பேர ஆடியோ போலியானது என கர்நாடக காங்கிரஸ் எம்எல்ஏ தெரிவித்திருப்பது பரபரப்பை ஏற்படுத்தியுள்ளது.
கர்நாடக முதல்வராக எடியூரப்பா கடந்த 17ஆம் தேதி பதவியேற்றார். வெறும் 104 எம்எல்ஏக்களுடன் அவர் பதவியேற்றதால் பெரும்பான்மையை நிரூபிக்க காங்கிரஸ் - மஜத எம்எல்ஏக்களிடம் பாஜகவினர் குதிரை பேரத்தில் ஈடுபடலாம் என கூறப்பட்டது.
இதையடுத்த எம்எல்ஏக்கள் விலை போகாமல் இருப்பதற்காக கர்நாடக காங்கிரஸ் மற்றும் ஜேடிஎஸ் கட்சிகளைச் சேர்ந்த எம்.எல்.ஏ.க்கள் மைசூர் மற்றும ஹைதராபாத் ரிசார்ட்களில் அடைத்து வைக்கப்பட்டனர்.
4 ஆடியோக்கள் வெளியீடு
இதற்கிடையே காங்கிரஸ் மற்றும் மதசார்பற்ற ஜனதா தளம் கட்சியின் எம்.எல்.ஏ.க்களை பாஜக வாங்க முயற்சி செய்ததாக அக்கட்சிகள் குற்றம்சாட்டின. இதுதொடர்பாக காங்கிரஸ் கட்சி வரிசையாக 4 ஆடியோக்களையும் வெளியிட்டது.
எம்எல்ஏ மனைவி
காங்கிரஸ் எம்எல்ஏ ஒருவருக்கு பாஜக எம்எல்ஏ விஜயேந்திரா ரூ.15 கோடி பேரம் பேசியதாக புகார் எழுந்தது. காங்கிரஸ் எம்.எல்.ஏவின் மனைவிக்கு பாஜக எம்எல்ஏ போன் செய்து எடியூரப்பாவுக்கு வாக்களிக்க சொன்னதாக புகார் அளிக்கப்பட்டது. ரூ.15 கோடி அல்லது அமைச்சர் பதவி தருவதாக பாஜக எம்எல்ஏ கூறியதாக இருந்தது அந்த ஆடியோ.
எடியூரப்பா ஆடியோ
இதேபோல் காங்கிரஸ் எம்.எல்.ஏ.விடம் எடியூரப்பா பேரம் பேசியதாக ஆடியோ வெளியானது. காங்கிரஸ் எம்.எல்.ஏ. பி.சி. பாட்டீலிடம் எடியூரப்பா செல்போனில் பேசிய ஆடியோ வெளியிடப்பட்டது. தங்கள் பக்கம் வந்தால் அமைச்சர் பதவி அளிக்கப்படும் என எடியூரப்பா உறுதி அளிப்பதாக இருந்தது அந்த ஆடியோ.
ஸ்ரீராமலு ஆடியோ
இதைத்தொடர்ந்து காங்கிரஸ் எம்எல்ஏ பி.சி.பாட்டீலிடம் ஸ்ரீராமலு மற்றும் முரளிதரராவ் போனில் பேசி பாஜகவுக்கு வாக்களிக்க கோரும் ஆடியோவை ரிலீஸ் செய்யப்பட்டது. தொடர்ந்து காங்கிரஸ் கட்சியினர் வீடியோக்களை வெளியிட்டபோதும் அதனை பாஜகவினர் மறுத்து வந்தனர்.
காங்கிரஸ் எம்எல்ஏ மறுப்பு
இந்நிலையில் எல்லாப்பூர் தொகுதி காங்கிரஸ் எம்.எல்.ஏ.வான சிவராம் ஹெப்பூரின் மனைவியிடம் எடியூரப்பாவின் மகன் விஜயேந்திரா, எடியூரப்பாவின் ஆதரவாளர் புட்டசாமி ஆகியோர் தனித்தனியாக செல்போனில் தொடர்பு கொண்டு குதிரை பேரத்தில் ஈடுபட்ட ஆடியோ போலியானது சிவராம் ஹெப்பூர் தெரிவித்துள்ளார்.
எனது மனைவியின் குரல் அல்ல
இதுதொடர்பாக காங்கிரஸ் எம்.எல்.ஏ. சிவராம் ஹெப்பூர் தனது ‘முகநூல்‘ பக்கத்தில் தனது மனைவியுடன் பா.ஜனதா தலைவர்கள் பேசியதாக வெளியான ஆடியோவை பற்றி ஒரு கருத்தை பதிவிட்டுள்ளார். அதில், குதிரை பேர ஆடியோவில் வெளியான செல்போன் உரையாடலில் இருப்பது எனது மனைவியின் குரல் அல்ல.
நானே கண்டிக்கிறேன்
எனது மனைவி எந்த வித செல்போன் அழைப்பையும் ஏற்று பேசவில்லை. பா.ஜ.கவினர் எனது மனைவியுடன் குதிரை பேரத்தில் ஈடுபட்டதாக வெளியான ஆடியோ போலியானது. இதனை நான் கண்டிக்கிறேன் என்று கூறியுள்ளார். சிவராம் ஹெப்பூரின் மறுப்பால் காங்கிரஸ் கட்சிக்கு தர்ம சங்கடம் ஏற்பட்டுள்ளது.
-
அழுத்தக்காரர் எடப்பாடி.. பின்னாலேயே வந்த பழைய கேஸ்.. டெல்லி செக் மேட்! மொத்தமும் விஜய்யால் வந்த வினை -
NDA Alliance: தமிழகத்தில் பாஜக 27 தொகுதிகளில் போட்டி? அதிமுக அதிரடி? காங்கிரஸை விட குறைவாச்சே! -
ட்விஸ்ட் தரும் கேரளா.. காங்கிரஸ், இடதுசாரிக்கு நோ பெரும்பான்மை. சத்தமின்றி பாஜக சம்பவம்! புதிய சர்வே -
பாஜக உறவை முறிக்கும் என்.ஆர்.காங்கிரஸ்.. ஜோஸ் மார்ட்டினால் வந்த சிக்கல்! விஜய்யுடன் சேரும் ரங்கசாமி? -
சிரிச்சுக்கிட்டே சிபிஐ ஆபீஸில் இருந்து வந்த விஜய்! இரவில் விஜய்யை சந்தித்த டெல்லி அதானி தூதுவர் யார் -
இருந்தாலும் அவருக்கு இவ்வளவு ஆகாது! கூட்டணிக்கு வருமா? வராதா? பாஜகவுக்கு பிரஷர் ஏற்றும் புதியதமிழகம் -
மம்தாவை சுத்துபோடும் பாஜக.. பதிலுக்கு சக்கர வியூகம் போட்டு தூக்கும் திரிணாமுல்! யாரும் எதிர்பார்க்கல -
வரிசையாக காலை வாரும் தலைவர்கள்.. காங்கிரஸுக்கு விழுந்த மரண அடி.. இப்படியே போன தோல்வி உறுதி! -
29 தொகுதிகள்.. காங்கிரஸை விட 1 கூடுதலாக.. நாளை மறுநாள் அதிமுக - பாஜக ஒப்பந்தம் கையெழுத்து? -
சரத்குமார் அந்த கட்சிக்கு போகப் போறாரா? பாஜகவில் பொறுத்து பொறுத்து பார்த்து.. திமுகவுக்கு ஹேப்பி போல -
”90 சீட், 2.5 வருடம் முதல்வர்” பேரம் பேசுனாங்க.. விஜய் சொன்ன ஒரே வார்த்தை! போட்டு உடைத்த ஆதவ் அர்ஜுனா -
சட்டம் அதன் கடமையை செய்யும்.. விஜய் பிஜேபி கூட போகவே மாட்டாரு.. ஏனென்றால்? விடாமல் அடிக்கும் ஜூலி
Click it and Unblock the Notifications
Sign in with Google