டெல்லி மக்களை வாட்டும் வரலாறு காணாத வெயில்... 62 வருடங்களில் அதிகபட்சமாக 118 பாரன்ஹீட் பதிவு
டெல்லி: கடந்த 62 வருடங்களில் இல்லாத அளவிற்கு கடந்த சனிக்கிழமையன்று டெல்லியில் 118 பாரன்ஹீட் வெப்பம் பதிவாகியுள்ளது.
தமிழகத்தில் கோடையின் தாக்கம் குறைந்து பரவலாக மழை பெய்து வருகிறது. இதனால் இங்கு வெப்பத்தின் தாக்கம் கொஞ்சம் குறைந்துள்ளது.
ஆனால், இதற்கு நேரெதிராக டெல்லியில் வெப்பம் சுட்டெரிக்கிறது. கடந்த சனியன்று அங்குள்ள பாலம் விமான நிலையத்தில் 118. 04 பாரன்ஹீட் அளவுக்கு வெயிலின் தாக்கம் பதிவாகி இருந்தது. மிகக் குறைந்த அளவாக 83.48 பாரன்ஹீட் பதிவானது.
62 ஆண்டுகளுக்கு முன்னர்...
தலைநகர் டெல்லியில் கடந்த 1952ம் ஆண்டு அதிகபட்ச வெப்ப அளவு பதிவானது. அதனைத் தொடர்ந்து கிட்டத்தட்ட 62 வருடக்களுக்குப் பின்னர் தற்போது அதிக வெயில் பதிவாகியுள்ளதாக வானிலை மையம் தெரிவித்துள்ளது.
மின் தடை...
வெயிலின் கொடுமையை சமாளிக்க முடியாமல் வீட்டிற்குள்ளேயே முடங்கும் மக்கள் மின்சாரத் தடையினால் மேலும் அவதிக்கு ஆளாகிறார்கள்.
வெப்பத்தின் தாக்கம் குறையும்...
இந்த வெப்பமான வானிலை இன்னும் சில நாட்களுக்குத் தொடரும் என தெரிவித்துள்ள வானிலை ஆய்வு மையம், எனினும் வெயிலின் தாக்கம் சற்று குறைந்து 113 பாரன்ஹீட் அளவுக்கு வெப்பம் பதிவாக வாய்ப்புள்ளதாக நம்பிக்கைத் தெரிவித்துள்ளனர்.
வெறிச்சோடிய சாலைகள்...
கடும் வெப்பம் காரணமாக வீட்டிற்குள்ளேயே மக்கள் முடங்கிக் கிடப்பதால், எப்போதும் பரபரப்பாக காணப்படும் சாலைகளும் வெறிச்சோடிக் காணப்படுகிறது.
Click it and Unblock the Notifications
Sign in with Google