மீண்டும் சீனுக்கு வந்தார் திக்விஜய்சிங்! விரைவில் அம்ரிதா ராயுடன் திருமணம்!!

டெல்லி: காங்கிரஸ் மூத்த தலைவர்களில் ஒருவரான திக்விஜய்சிங் தமது காதலி அம்ரிதா ராயை விரைவில் திருமணம் செய்ய இருப்பதாக தகவல்கள் வெளியாகி உள்ளன.

காங்கிரஸ் மூத்த தலைவர்களில் ஒருவரும் ராகுல் காந்தியின் ஆலோசகருமானவர் திக்விஜய்சிங் (வயது 67) . இவரது மனைவி கடந்த ஆண்டு காலமானார். அப்போதே தாம் மறுமணம் செய்து கொள்ள தயாராக இருப்பதாக தெரிவித்திருந்தார்.

அதன் பின்னர் ராஜ்யசபா தொலைக்காட்சி தொகுப்பாளரான அம்ரிதா ராயுடன் (வயது 42) திக்விஜய்சிங் நெருக்கமாக இருப்பதாக கிசுகிசுக்கப்பட்டது. அதன் பின்னர் திக்விஜய்சிங், அம்ரிதா ராய் இருவருமே தங்களது காதலை ஒப்புக் கொண்டனர்.

அம்ரிதா ராய் தமது கணவரை விவகாரத்து பெற்ற பின்னர் முறைப்படி திக்விஜய்சிங்கை திருமணம் செய்து கொள்வேன் என்றும் அறிவித்திருந்தார். அப்போது இருவரும் மிகவும் நெருக்கமாக இருக்கும் ஏடாகூட படங்களை இருவரும் வெளியிட்டு தங்களது காதலை நியாயப்படுத்தியிருந்தனர்.

இந்த நிலையில் விரைவில் அம்ரிதா ராய்- திக்விஜய்சிங் திருமணம் நடைபெறும் என்று திக்விஜய்சிங் குடும்பத்தினர் தெரிவித்துள்ளனர். இதனால் விரைவில் இருவரது திருமண அறிவிப்பு வெளியாகக் கூடும் என்று தெரிகிறது,

English summary

Senior Congress leader Digvijay Singh will tie the knot with TV anchor Amrita Rai soon.