அட கொடுமையே.. 78 காங். எம்எல்ஏக்களுக்கும் பாஜகவில் இருந்து போன் வந்துள்ளது.. சிவகுமார் பரபர தகவல்

பெங்களூர்: காங்கிரசின் அனைத்து எம்எல்ஏக்களுக்கும் பாஜகவிலிருந்து தொலைபேசி அழைப்பு வந்துள்ளது என்று, காங்கிரஸ் கட்சி சீனியர் தலைவர் டி.கே.சிவகுமார் தெரிவித்துள்ளார்.

காங்கிரஸ்-மஜத கூட்டணியை எப்படியாவது உடைத்து பாஜக ஆட்சி அமைக்க முயன்றுவருவதாக குற்றம்சாட்டிய சிவகுமார் மேலும் கூறியதாவது:

காங்கிரஸ்-மஜத கூட்டணியால் இரு கட்சியிலும் எந்த எம்எல்ஏக்களுக்கும் அதிருப்தி இல்லை. லிங்காயத்து சமூகத்தை காங்கிரஸ் எம்எல்ஏக்களை பாஜக தங்கள் பக்கம் ஈர்க்க முயல்வதாக கூறப்படுவதில் உண்மையில்லை. ஏனெனில் பாஜக எங்கள் கட்சியின் அனைத்து எம்எல்ஏக்களையுமே பாஜக தலைவர்கள் போனில் தொடர்பு கொள்கிறார்கள்.

அந்த பட்டியல் என் கையில் உள்ளது. ஆனால், எனக்கும் அரசியல் தெரியும். பாஜக முயற்சிகளுக்கு பலன் கிடைக்காது. இவ்வாறு டி.கே.சிவகுமார் தெரிவித்தார்.

English summary

Congress leader DK Sivakumar says, BJY leaders ringed all the Congress MLAs.