சுடச்சுட லோக்சபா தேர்தல் ஸ்பெஷல்: சாப்பிடு... சிந்தி... வாக்களி... இது அலகாபாத் ஸ்டைல்

அலகாபாத்: தேர்தல் கால பரபரப்புகளை வைத்து எதைச் செய்தாலும், எதை விற்றாலும் நிச்சயம் அது நல்ல விலை பெறும் என்பதற்கேற்ப நரேந்திர மோடியையும், ராகுல் காந்தியையும் வைத்து காசு பார்த்து வருகிறார்கள் அலகாபாத்தில் உள்ள ஒரு ஹோட்டல் நிர்வாகத்தினர்.

தங்களது உணவு வகைகளுக்கு நரேந்திர மோடி மற்றும் ராகுல் காந்தி பெயரை சூட்டி கல்லா கட்டி வருகிறார்கள் இவர்கள். லோக்சபா தேர்தல் ஸ்பெஷல் உணவுகளான இவற்றை ‘மிஷன் மே 2014' எனப் பெயரிட்டு மெனுவாக வரிசைப் படுத்தியுள்ளனர்.

ஆனால் நரேந்திர மோடி பெயரிலான உணவுக்குத்தான் அதிக விலை வைத்துள்ளனர். ராகுல் பெயரிலான உணவின் விலை சற்று குறைவுதான்.

விழிப்புணர்வு ஒன்றே நோக்கமாம்,,,

இந்த நூதன வியாபரத்தின் பின்னணியில் மக்களிடையே நாட்டு நடப்பையும், தேர்தல் பரபரப்பும் குறித்த விழிப்புணர்வை ஏற்படுத்துவதே என்றும் ஹோட்டல் நிர்வாகம் விளக்கம் தருகிறது.

சாப்பிடு.. சிந்தி... வாக்களி!

ராஜு ஜைஸ்வால்தான் இந்த ஹோட்டலின் உரி்மையாளர். சரியாக சாப்பிடுங்கள், சரியாக சிந்தியுங்கள், சரியாக வாக்களியுங்கள் என்ற கேோஷத்துடன் இந்த உணவு வகைகளை அவர் அறிமுகப்படுத்தியுள்ளார்.

நமோ தாலி...

பாஜக பிரதமர் வேட்பாளர் நரேந்திர மோடி சுருக்கமாக ‘நமோ' என அழைக்கப் படுகிறார். எனவே இந்த உணவு வகையின் பெயர் ‘நமோ தாலி'. இதில் இனிப்பு உள்ளிட்டவை அடக்கம். குஜராத் குறித்த உணவான இது பாஜகவின் கொடி நிறத்தில் உள்ளது.

ராகா பேஸ்கட்...

அதேபோல், காங்கிரஸ் துணைத்தலைவர் ராகுல்காந்தி பெயரின் சுருக்கமான ‘ராகா'வைச் சேர்த்து ‘ராகா பேஸ்கட்' என்றொரு இன்னொரு உணவு. இதில் காங்கிரஸின் தாக்கம் அதிகம் இருக்கிறது. காங்கிரஸ் கொடியின் கலரும் இடம் பெற்றுள்ளது.

நமோவுக்கு விலை அதிகம்...

நமோ தாலியின் விலை ரூ. 110. அதேசமயம் ராகா வின் விலை ரூ. 90 மட்டுமே.

இனிப்பு, புளிப்பு, காரம்....

நமோ தாலியில், சப்பாத்தி, பனீர் மசாலா, காய்கறிகள், பருப்பு, ஜீரா புலாவ், ரசகுல்லா, ரைத்தா பைன் ஆப்பிள், ரைசின் ஆகியவை இடம் பெற்றுள்ளது.

இட்லி ஸ்பெஷல்....

ராகா பேஸ்கட்டில் இட்லி, வடை, பராத்தா ரோல், சட்னி ஆகியவை இடம் பெற்றுள்ளது.

சாப்பாட்டிலும் நமோ தான் டாப்....

இதில் நமோ தாலிதான் நன்றாக விற்பனையாகிறதாம். ராகா பேஸ்கட்டுக்கு கிராக்கி குறைவாகத்தான் இருக்கிறதாம். மேலும் பாஜகவினரும் கூட நிறையப் பேர் நமோ தாலியை சாப்பிட்டுச் சந்தோஷமாக செல்கிறார்களாம்.

மோடி ரசிகர்கள்...

டாக்டர் பூனம் திவிவேதி என்ற ஒரு வாடிக்கையாளர் கூறுகையில், நான் மோடியின் விசிறி. எனவே நமோ தாலிதான் என்னுடைய பேவரைட் என்கிறார்.

English summary

In a bid to create awareness and encourage people to vote in the Lok Sabha elections, Tandoor Restaurant in Allahabad has taken up the ante and introduced NaMo Thali and RaGa Basket.