சுற்றுலாத் தளமாகும் மோடி பிறந்த கிராமம்... "பேக்கேஜ் டூரை" அறிமுகப்படுத்தும் குஜராத் அரசு!

ஆமதாபாத் : குஜராத் அரசின் மாநில சுற்றுலா துறை வளர்ச்சி கழகமும், தனியார் டிராவல்ஸ் நிறுவனமும் இணைந்து பிரதமர் நரேந்திர மோடியின் பிறந்த ஊர் உள்ளிட்ட பகுதிகளுக்கு சுற்றுலா செல்லும் பேக்கேஜ் டூரை அறிமுகப்படுத்தியுள்ளது. இதற்கு ரூ. 600 கட்டணம் வசூலிக்கப்படுகிறது.

குஜராத் மாநிலம் மெகசானா மாவட்டம் வாத்நகரில் பிறந்தவர் நமது பிரதமர் நரேந்திர மோடி. வாழ்க்கையில் படிப்படியாக உயர்ந்து இன்று இந்தியாவின் பிரதமராக உயர்ந்துள்ளார்.

இந்நிலையில், குஜராத் மாநில அரசு சுற்றுலா வளர்ச்சிக் கழகமும், ஆமதாபாத் நகரைச் சேர்ந்த அக்ஸார் டிராவல்ஸ் பி. லிமிடெட் என்ற தனியார் நிறுவனமும் இணைந்து ஒருநாள் பேகேஜ் டூர் ஒன்றை அறிமுகப் படுத்தியுள்ளது.

இது குறித்து குஜராத் சுற்றுலாத்துறை கூறியிருப்பதாவது:

குஜராத் மாநிலம்காந்திநகரில் இருந்து துவங்கி ஆமதாபாத் வழியாக வாத்நகர் செல்லும் இந்த பேக்கேஜ் டூர், மெகசானா மாவட்டத்தில் வாத்நகரில் மோடியின் பிறந்த கிராமம் மோடி இளமை காலங்களில் படித்த பள்ளி, அவரது மூதாதையர்களின் இல்லம் மற்றும் மோடி சிறு வயதில் அப்பகுதி ரயில்நிலையத்தில் டீ வியாபாரம் செய்த இடம் ஆகியவற்றினை சுற்றி பார்க்கும் ஒரு நாள் பேக்கேஜ் டூர் துவங்கப்பட்டுள்ளது. இதற்கு ஒரு சுற்றுலா பயணி ஒருவருக்கு தலா ரூ.600 வசூலிக்கப்படுகிறது'என இவ்வாறு அதில் தெரிவிக்கப்பட்டுள்ளது.

இந்த சுற்றுலா பேகேஜ் குறித்து அக்ஸார் டிராவல்ஸ் நிறுவன மேலாளர் பங்கஜ் சவுத்ரி கூறுகையில், ‘கடந்த ஜனவரி மாதம் குஜராத் வந்த நரேந்திர மோடி வைபரன்ட் குஜராத் மாநாடு நடத்தினார். அதில் சுற்றுலாத்துறையை ஈர்க்க புதிய முறையை அறிமுகப்படுத்தினார். அதன்படி இந்த பேக்கேஜ் டூர் முறை அறிமுகப்படுத்தப்பட்டுள்ளதால் இதற்கு மக்களிடம் நல்ல வரவேற்பு உள்ளது. இதன் மூலம் நரேந்திரமோடி பிறந்த கிராமம் வரலாற்று முக்கியத்துவம் வாய்ந்த சுற்றுலாத்தலமாக மாறியுள்ளது' என்றார்.

English summary

Prime Minister Narendra Modi's birthplace Vadnagar and a visit to the railway station where he used to sell tea as a boy are now part of a tour package started by Gujarat Government's tourism agency.