பஸ், பஸ்ஸா ஏறி இறங்கி ஓட்டு கேட்கும் ஆம் ஆத்மி வேட்பாளர் நடிகை குல் பனாக்
சண்டிகர்: சண்டிகரில் போட்டியிடும் நடிகை குல் பனாக் வித்தியாசமான முறையில் வாக்கு சேகரித்து வருகிறார்.
கடந்த 199ம் ஆண்டு மிஸ் இந்தியா அழகிப்பட்டம் வென்ற பிறகு பாலிவுட்டில் நடிகையானவர் குல் பனாக். பஞ்சாப் மாநிலத்தைச் சேர்ந்த அவர் அரவிந்த் கெஜ்ரிவாலின் ஆம் ஆத்மி கட்சியில் சேர்ந்தார்.
இதையடுத்து வரும் நாடாளுமன்ற தேர்தலில் அவருக்கு பஞ்சாப் மாநிலம் சண்டிகரில் போட்டியிடும் வாய்ப்பு கிடைத்துள்ளது. பைக் ஓட்டத் தெரிந்த பனாக் தனது பைக்கில் சென்று பிரச்சாரம் செய்து வருகிறார்.
இந்நிலையில் அவர் வித்தியாசமான முறையில் வாக்கு சேகரித்து வருகிறார். அதாவது அவர் பேருந்தில் ஏறி மறக்காமல் டிக்கெட் வாங்கிக் கொண்டு பயணிகளிடம் வாக்கு சேகரிக்கிறார். ஒரு பேருந்தில் பிரச்சாரம் செய்து முடித்தவுடன் வேறு பேருந்துக்கு சென்றுவிடுகிறார்.
ஆம் ஆத்மி கட்சயின் அருமை, பெருமையைக் கூறி தனக்கு வாக்களிக்குமாறு கேட்கிறார் பனாக்.