நான் ராஜிவ்காந்தியின் மகள் மோடிக்கு பிரியங்கா பதிலடி

டெல்லி: நான் ராஜிவ்காந்தியின் மகள் என்று கூறி, மோடிக்கு பதிலடி கொடுத்துள்ளார் பிரியங்கா காந்தி.

டிடி தொலைக்காட்சிக்கு நரேந்திரமோடி அளித்த பேட்டியில் பிரியங்கா காந்தி எனது மகளை போன்றவர் என்பதால் அவரை விமர்சனம் செய்ய மாட்டேன் என்று தெரிவித்ததாக கூறப்படுகிறது. ஆனால் இந்த வார்த்தைகளை டிடி தொலைக்காட்சி வெட்டி அகற்றிவிட்டு ஒளிபரப்பியதாக சர்ச்சை வெடித்துள்ளது.

இதுகுறித்து பிரியங்கா காந்தியிடம் நிருபர்கள் இன்று கேள்வி எழுப்பினர். இதற்கு பதிலளித்து அவர் கூறுகையில், "நான் ராஜிவ்காந்தியின் மகள்"

என்று அழுத்தமாக பதில் சொல்லிவிட்டு கிளம்பிச் சென்ளார் பிரியங்கா.

முன்னதாக, நிதியமைச்சர் ப.சிதம்பரம் நிருபர்களிடம் பேசுகையில், "பிரியங்கா காந்தியை மோடி தனது மகளாக கருதலாம். ஆனால் பிரியங்கா காந்தி தனது தந்தையை போன்றவராக மோடியை நினைத்து மகிழ்ச்சியடைய மாட்டார் என்று நினைக்கிறேன்" என்று கூறியிருந்தார்.

English summary

Priyanka Gandhi on Thursday had a firm message for BJP's prime ministerial candidate Narendra modi – that she is Rajiv Gandhi's daughter. The retort came after it emerged that Modi had, during an interview to state broadcaster Doordarshan, described Priyanka 'like his daughter'.