காமெடி தர்பார்.. டெல்லியில் ஆளுநர் சரியில்லை.. சர்விஸ் செய்ய எல்ஜி நிறுவனத்திற்கு அழைப்பு!
டெல்லியில் எல்ஜி என்று சுருக்கமாக அழைக்கப்படும் துணைநிலை கவர்னர் (லெப்டினன்ட் கவர்னர்) சரியாக வேலை செய்யவில்லை என்ற டிவிட்டிற்கு, எல்ஜி நிறுவனம் பதில் அளித்துள்ளது.
டெல்லி: டெல்லியில் எல்ஜி என்று சுருக்கமாக அழைக்கப்படும் துணைநிலை கவர்னர் (லெப்டினன்ட் கவர்னர்) சரியாக வேலை செய்யவில்லை என்ற டிவிட்டிற்கு, எல்ஜி நிறுவனம் பதில் அளித்துள்ளது.
டெல்லியில் தற்போது முதல்வர் அரவிந்த் கெஜ்ரிவாலுக்கும், துணைநிலை கவர்னர் அணில் பைஜாலுக்கும் இடையில் பிரச்சனை முற்றியுள்ளது. பல்வேறு பிரச்சனைகளை காரணம் காட்டி அரவிந்த் கெஜ்ரிவால், துணை நிலை ஆளுநரின் அலுவலகத்தில் போராட்டம் செய்து வருகிறார்.
இதனால் அலுவலகம் செல்ல முடியாத, துணை நிலை ஆளுநர், வீட்டில் இருந்தே வேலை பார்த்து வருகிறார். அவர் அரவிந்த் கெஜ்ரிவாலை சரியாக பணி செய்ய விடாததே இதற்கு காரணம் என்று கூறப்படுகிறது. இதைவைத்து டெல்லியில் நிறைய காமெடிகள் வலம் வருகிறது.
அதன்படி டெல்லியை சேர்ந்த திரைப்பட இயக்குனர் சிரிஷ் குந்தர், தனது டிவிட்டில், எல்ஜி நிறுவனத்தை டேக் செய்து ''உங்களுக்கு டெல்லியில் எல்ஜி சர்விஸ் சென்டர் இருக்கிறதா? இங்கு இருக்கும் எல்ஜி வேலை பார்க்கவில்லை, மற்றவர்களையும் வேலை பார்க்கக் விடவில்லை'' என்று குறிப்பிட்டுள்ளார். அவர் டெல்லி லெப்டினன்ட் கவர்னரை குறிப்பிட்டு எல்ஜி என்றுள்ளார்.
ஆனால் எல்ஜி நிறுவனம் அதை உண்மையான பிரச்சனை என்று நினைத்துக் கொண்டு, ''உங்கள் பிரச்சனைக்கு வருந்துகிறோம். எங்களுக்கு தனிப்பட்ட முறையில் மெசேஜ் செய்யுங்கள், நாங்கள் உதவி செய்கிறோம்'' என்றுள்ளனர். இந்த டிவிட்டை வைத்து எல்லோரும் கிண்டல் செய்து கொண்டுள்ளனர்.
Click it and Unblock the Notifications
Sign in with Google