கண்களை தோண்டி எடுத்து.. 6 வயது சிறுமியை கதற கதற.. உடம்பெல்லாம் காயம்.. அதிர்ச்சியில் ம.பி.!

6 வயது சிறுமி பலாத்காரம் செய்யப்பட்டுள்ளது அதிர்ச்சியை தந்து வருகிறது

போபால்: 6 வயது குழந்தையை கதற கதற பலாத்காரம் செய்ததுடன், அந்த சிறுமியின் கண்களையும் தோண்டி எடுத்து கொண்டு போயுள்ளனர் கொடூரர்கள்.. மத்திய பிரதேசத்தில் நடந்த இந்த சம்பவம் ஒட்டுமொத்த தேசத்தையும் அதிர வைத்து வருகிறது.

மத்திய பிரதேசத்தில் இருக்கும் தாமோ என்ற பகுதியில்தான் 6 வயது சிறுமி வசித்து வருகிறாள்.. நேற்று சாயங்காலம் வீட்டிற்கு பக்கத்தில் விளையாடி கொண்டிருந்தாள். நேரமாகியும் வீட்டிற்கு திரும்பாததால், வீட்டில் பயந்துவிட்டனர். விளையாடி கொண்டிருந்த இடத்திற்கு வந்து பார்த்தால் அங்கேயும் காணவில்லை என்பதால், தேட தொடங்கினர்.

கடைசியில் இன்று காலையில்தான் சிறுமியை ஆபத்தான நிலையில் மீட்டனர். உடல் முழுவதும் ரத்த காயங்கள்.. கண்கள் தோண்டப்பட்டு இருந்தது.. அலறி துடித்த பெற்றோர் உடனடியாக ஜபல்பூர் ஆஸ்பத்திரியில் குழந்தையை சேர்த்தனர்.. போலீசுக்கும் புகார் தந்தனர்.

இதையடுத்து விரைந்து வந்த போலீசார், விசாரணையை தொடங்கினர். இதை பற்றி மூத்த போலீஸ் அதிகாரி ஹேமந்த் சிங் சவுகான் சொல்லும்போது, சக நண்பர்களுடன் விளையாடி கொண்டிருந்தபோது அடையாளம் தெரியாத நபரால் சிறுமி இழுத்து செல்லப்பட்டு, மிக மிக கொடூரமாக சிறுமி பலாத்காரம் செய்யப்பட்டிருக்கிறாள். இறுதியில் சிறுமியின் கண்களை தோண்டி எடுத்துள்ளனர்.

கண்கள் பகுதி முற்றிலும் சேதமடைந்துள்ளது.. உடம்பெல்லாம் காயங்கள் உள்ளன.. அந்த குழந்தைக்கு இப்போது ஆபத்தான நிலையில் சிகிச்சை அளிக்கப்பட்டு வருகிறது. அங்கு சிறுமியின் குடும்பத்தோடு போலீஸ் குழு ஒன்று அனுப்பப்பட்டுள்ளது.

நாங்கள் பல சந்தேக நபர்களை விசாரித்தோம்... விசாரணை தொடர்ந்து நடைபெற்று வருகிறது. நாங்கள் சில முயற்சிகளை மேற்கொண்டு வருகிறோம்.. கூடிய சீக்கிரம் குற்றவாளிகளை கண்டுபிடித்து கைது செய்துவிடுவோம்" என்றார். நாடு முழுக்க லாக்டவுனில் இருக்கும்போது, காட்டுமிராண்டித்தனமான இந்த தாக்குதல் மத்திய பிரதேசத்தை அதிர வைத்துள்ளது.

English summary

lockdown: six year old child girl raped eyes gouged in madhya pradesh