டிவி, பீரோ, பிரிட்ஜ் வேணாம்... திருமணப் பரிசாக ‘கழிப்பறை’யை கொண்டு சென்ற மணப்பெண்!
அகோலா: மகாராஷ்டிராவில் திருமணம் முடிந்து மாப்பிள்ளை வீட்டிற்கு கழிப்பறையை வரதட்சணையாகக் கொண்டு சென்றுள்ளார் புதுப்பெண் ஒருவர்.
மகாராஷ்டிர மாநிலம் அகோலா பகுதியைச் சேர்ந்தவர் சைதாலி. இவருக்கு சமீபத்தில் திருமணம் நடந்தது.
பெற்றோரால் நிச்சயிக்கப் பட்ட இந்த திருமணத்தில், மாப்பிள்ளை வீட்டில் கழிப்பறை வசதி இல்லை என்பது சைதாலிக்குப் பிறகு தான் தெரிந்தது. உடனே தனது பெற்றோரிடம் தனக்கு வரதட்சணையாக பீரோ, பிரிட்ஜ், வாஷிங் மெஷின் உள்ளிட்ட பொருட்கள் தருவதற்குப் பதிலாக கழிப்பறைக்குத் தேவையான பொருட்களைத் தரும்படி சைதாலி வேண்டுகோள் விடுத்தார்.
மகளின் ஆசைப்படி ரூ. 12 ஆயிரம் மதிப்புள்ள கழிப்பறைக் கோப்பை, கண்ணாடி மற்றும் கழிப்பறைக்குத் தேவையான பொருட்களை திருமணப் பரிசாக அளித்தனர்.
சைதாலியின் சாமர்த்தியத்தைக் கண்டு வியந்து போன மற்ற திருமணமாகாத பெண்கள், அவரைப் பாராட்டுகின்றனர். மேலும், தாங்களும் தங்களது மாப்பிள்ளை வீட்டில் கழிப்பறை இல்லையென்றால், இதைப்போலவே திருமணப் பரிசாக அதனைப் பெற்று செல்வோம் என அவர்கள் கூறுகின்றனர்.