கோடை வெயிலை குளிர்விக்கும் மழை.. பெங்களூரில் ஜில்.. ஜில்.. வானிலை

கோடை காலம் தொடங்கி இருக்கும் சமயத்தில் தற்போது பெங்களூரை குளிர்விக்கும் வகையில் பல இடங்களில் மழை பெய்து வருகிறது.

பெங்களூர்: கோடை காலம் தொடங்கி இருக்கும் சமயத்தில் தற்போது பெங்களூரை குளிர்விக்கும் வகையில் பல இடங்களில் மழை பெய்து வருகிறது.

தற்போது தென்னிந்தியாவில் கோடை வெயில் வாட்டி எடுக்க தொடங்கி இருக்கிறது. முக்கியமாக தமிழகம் மற்றும் ஆந்திராவில் அதிக வெயில் அடித்து வருகிறது.

அதே சமயத்தில் எப்போதும் குளிராக பெங்களூரிலும் கடந்த சில நாட்களாக வெயில் வாட்டி வந்தது. தற்போது கோடை வெயிலை குறைத்து, குளிர்விக்கும் வகையில் அங்கு மழை பெய்து வருகிறது.

பெங்களூரில் மழை பெய்ய வாய்ப்பு இருப்பதாக இரண்டு வாரங்களுக்கு முன்பே வானிலை மையம் கூறி இருந்தது. அந்த வகையில் கடந்த 2 மணிநேரமாக பெங்களூரில் மிதமான மழை பெய்து வருகிறது.

பெங்களூர் மட்டுமில்லாமல் கர்நாடகாவின் பல இடங்களில் மழை பெய்து வருகிறது. இந்த கோடை மழை காரணமாக மக்கள் தற்காலிகமாக வெயில் தொல்லையில் இருந்து தப்பித்து இருக்கிறார்கள்.

English summary

Moderate Rain hits many places in Bengaluru, Karnataka. For past 2 hours, rain cools the city even in Hot season.