மோடிக்கு 56 இன்ச் தொப்பைதான் உள்ளது: உ.பி. முதல்வர் கிண்டல்

லக்னொ: நரேந்திரமோடி ஒன்றும், 56 இன்சுக்கு நெஞ்சை நிமிர்த்துபவர் கிடையாது, அவரது வயிறு வேண்டுமானால் 56 இன்ச் இருக்கும் என்று கிண்டலடித்துள்ளார் உத்தரபிரதேச முதல்வர் அகிலேஷ் யாதவ்.

56 இன்ச் அளவுக்கு நெஞ்சை நிமிர்த்தும், தைரியமான ஒரு தலைமைதான் இந்தியாவுக்கு தேவை. குஜராத் போல உ.பியை வளர்ச்சியடைந்த, மின்சாரத்தில் தன்னிறைவு பெற்ற மாநிலமாக மாற்ற வேண்டுமானால், அதற்கும் நெஞ்சு அகலமாக இருக்க வேண்டும் என்று பாஜக பிரதமர் பதவி வேட்பாளர் நரேந்திரமோடி கூறியிருந்தார்.

இதற்கு பதிலடி அளிக்கும் விதமாக சமாஜ்வாடி தலைவர்களில் ஒருவரும் உ.பி முதல்வருமான அகிலேஷ் யாதவ் அம்மாநிலத்தில் நடந்த தேர்தல் பிரச்சாரத்தில் பேசியதாவது:

அரசியலில் விசாலமான இதயம்தான் தேவையே தவிர அகலமான நெஞ்சு கிடையாது. மோடிக்கு 56 இன்ச் அகலமான நெஞ்சு கிடையாது. தொப்பைுயடன் கூடிய வயிறு வேண்டுமானால் 56 இன்ச் இருக்கலாம் .குஜராத் மாடல் என்கிற பிரசாரம் எதுவும் மோடியை உயர்த்தவில்லை. குஜராத் மாடல் என்பது ஒரு பொய்.

இவ்வாறு அகிலேஷ் யாதவ் பேசினார்.

English summary

Narendra Modi, who has said that a "56-inch chest" is needed for fearless and strong leadership, and suggested that he possesses one. But according to Akhilesh Yadav, chief minister of Uttar Pradesh said that in fact, what Mr Modi has is a "56-inch belly.