நரேந்திர மோடிக்கு ரூ.1.5 கோடி சொத்து - சொந்த வாகனம் இல்லை
அகமதாபாத்: குஜராத் முதல்வர் நரேந்திர மோடி, தனக்கு ரூ.1.5 கோடி சொத்து இருப்பதாகவும், சொந்தமாக வாகனம் இல்லை என்றும் கூறியுள்ளார்.
குஜராத் முதல்வர் நரேந்திர மோடி, உத்தரபிரதேச மாநிலம் வாரணாசியிலும், குஜராத் மாநிலம் வதோதராவிலும் போட்டியிடுகிறார்.
வதோதராவில் நேற்றுமுன்தினம் அவர் வேட்புமனு தாக்கல் செய்தார். அதனுடன் இணைந்த பிரமாண பத்திரத்தில், தனது சொத்து விவரங்களைக் குறிப்பிட்டுள்ளார்.
அதன்படி அவருக்கு ரூ.1 கோடியே 51 லட்சத்து 57 ஆயிரத்து 582 மதிப்புள்ள அசையும் மற்றும் அசையா சொத்துகள் உள்ளன. இவற்றில், காந்திநகரில் ரூ.1 கோடி மதிப்புள்ள வீடும் அடங்கும். ரூ.1 லட்சத்து 35 ஆயிரம் மதிப்புள்ள 4 மோதிரங்கள், கையிருப்பு ரூ.29 ஆயிரத்து 700 ஆகியவையும் அடங்கும்.
மோடி தனக்கு சொந்தமாக எந்த வாகனமும் இல்லை என்று கூறியுள்ளார். கடந்த 2 ஆண்டுகளாக எந்த நகையும் வாங்கவில்லை என்றும் கூறியுள்ளளார்.